ఈటెల బర్తరఫ్ సమంజసం కాదు
ABN , First Publish Date - 2021-05-12T06:51:49+05:30 IST
తెలంగాణ ఉద్యమంలో ముందుండి ఉద్యమాన్ని నడిపి రాష్ట్ర సాధన కోసం పదవులను సైతం పక్కన పెట్టి తెలంగాణ కోసం పోరాడిన మాజీ మంత్రి ఈటెల రాజేందర్ను మంత్రి పదవి నుంచి బర్తరఫ్ చేయడం సమంజసం కాదని ముదిరాజ్ సంఘం జిల్లా అధ్యక్షుడు శివయ్య డిమాండ్ చేశారు. మంగళవారం మం
ముదిరాజ్ జిల్లా అధ్యక్షుడు శివయ్య
తలమడుగు, మే 11: తెలంగాణ ఉద్యమంలో ముందుండి ఉద్యమాన్ని నడిపి రాష్ట్ర సాధన కోసం పదవులను సైతం పక్కన పెట్టి తెలంగాణ కోసం పోరాడిన మాజీ మంత్రి ఈటెల రాజేందర్ను మంత్రి పదవి నుంచి బర్తరఫ్ చేయడం సమంజసం కాదని ముదిరాజ్ సంఘం జిల్లా అధ్యక్షుడు శివయ్య డిమాండ్ చేశారు. మంగళవారం మండలంలోని పల్లి(బి), రుయ్యాడి గ్రామాల్లో ఏర్పాటు చేసిన నిరసన కార్యక్రమంలో ఆయన మాట్లాడుతూ తెలంగాణ కోసం ముందుండి పోరాటం చేసిన మాజీ మంత్రి ఈటెల రాజేందర్ను సీఎం కేసీఆర్ మంత్రి పదవి నుంచి బర్తరఫ్ చేయడం ఎంత వరకు సమంజసమన్నారు. కావాలనే ఈటెల రాజేందర్ను తొలగించారన్నారు. బడుగు బలహీన వర్గాల కోసం మాజీ మంత్రి ఎంతో కృషి చేశారన్నారు. అంతేకాకుండా తెలంగాణ ఏర్పడ్డాక తొలి మంత్రివర్గంలో ఆర్థిక శాఖను ఎంతో పకడ్బందీగా అమలు చేసి రాష్ట్ర అభివృద్ధి కోసం కృషి చేశారన్నారు. అంతేకాకుండా కరోనా కష్ట కాలంలోను వైద్య ఆరోగ్య శాఖ మంత్రిగా ఉండి తెలంగాణ ప్రజలకు ఎంతో సేవ చేసిన ఈటెల రాజేందర్ను విమర్శించడం శోచనీయమన్నారు. ఇందులో ముదిరాజ్ సంఘం నాయకులు, ప్రజాప్రతినిధులు పాల్గొన్నారు.