Advertisement
Advertisement
Latest Telugu News
Advertisement
Published: Wed, 17 Aug 2022 09:59:08 IST

Arrest: బ్యాంకు దోపిడీ కేసులో మరొకరి అరెస్టు

twitter-iconwatsapp-iconfb-icon
Arrest: బ్యాంకు దోపిడీ కేసులో మరొకరి అరెస్టు

- మొత్తం నగలు స్వాధీనం

- మరో ఇద్దరి కోసం గాలింపు


చెన్నై, ఆగస్టు 16 (ఆంధ్రజ్యోతి): స్థానిక అరుంబాక్కంలోని ఫెడ్‌ బ్యాంక్‌ దోపిడీ(Bank robbery) కేసులో పోలీసులు మరికొంత పురోగతి సాధించారు. ఇప్పటికే నలుగురిని అరెస్టు చేయగా, మరొకరిని కూడా అదుపులోకి తీసుకుని, అతడి నుంచి 14 కిలోల బంగారాన్ని స్వాధీనం చేసుకున్నారు. మరో ఇద్దరి కోసం తీవ్రంగా గాలిస్తున్నారు. ఈ దోపిడీ జరిగిన వెంటనే సూర్య అనే వ్యక్తి 14 కేజీల బంగారు నగలతో కోయంబత్తూరు వెళ్లి, అక్కడి ఆర్‌ఎస్ పురంలోని ఓ నగల దుకాణంలో వాటిని కరిగించాడని పోలీసుల దర్యాప్తులో తేలడంతో సత్వరం స్పందించిన పోలీసులు.. ఆ నగల దుకాణం యజమానిని అరెస్టు చేశారు. సూర్య నుంచి 14 కేజీల బంగారాన్ని స్వాధీనం చేసుకున్నారు. దీంతో దోపిడీకి గురైన మొత్తం నగలు స్వాధీనమైనట్లు గ్రేటర్‌ చెన్నై పోలీసు కమిషనర్‌ శంకర్‌జివాల్‌(Shankarjiwal) ప్రకటించారు. ఈ దోపిడీకేసును సమర్థవంతంగా విచారణ జరిపి అతి తక్కువ సమయంలోనే ప్రధాన నిందితులందరినీ అరెస్టు చేసిన ప్రత్యేక దళాన్ని ఆయన అభినందించారు. ఒకటి రెండురోజుల్లోగా మరో ఇద్దరిని కూడా అరెస్టు చేస్తామని ఆయన ఆశాభావం వ్యక్తం చేశారు. ఇదిలా ఉండగా మంగళవారం అరెస్టయిన బ్యాంక్‌ దోపిడీ సూత్రధారి మురుగన్‌ను పోలీసులు రహస్యంగా విచారణ జరుపుతున్నారు. ఈ దోపిడీలో ఏడుగురే కాకుండా ఇంకా ఎవరికైనా సంబంధాలున్నాయేమోనని ఆరా తీస్తున్నారు. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

క్రైమ్ Latest News in Teluguమరిన్ని...

Advertisement
OpinionPoll
Advertisement

రెడ్ అలర్ట్ Latest News in Teluguమరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.