Expensive Trash Bag: చెత్త వేసే ఆ బ్యాగ్ ఖరీదు ఎంతో తెలిస్తే నోరెళ్లబెట్టాల్సిందే.. ఎందుకంత ఖరీదంటే..

స్పెయిన్‌కు చెందిన లగ్జరీ ఫ్యాషన్ బ్రాండ్.. Balenciaga. ఈ బ్రాండ్‌కు ప్రపంచవ్యాప్తంగా ఎంతో డిమాండ్ ఉంది. అత్యంత ఖరీదైన ఈ బ్రాండ్ ఉత్పత్తులను ఎంతో మంది ప్రముఖులు వినియోగిస్తుంటారు. తాజాగా ఈ బ్రాండ్ ఓ చెత్త బ్యాగ్ (Expensive Trash Bag)ను రూపొందించింది. ఆ బ్యాగ్ ఖరీదు అక్షరాలా 1800 డాలర్లు (సుమారు రూ.1.42 లక్షలు). ఈ బ్యాగ్ నలుపు, తెలుపు, ఎరుపు, నీలం రంగుల్లో అందుబాటులో ఉంటుంది. 

ఇది కూడా చదవండి..

Photo: భర్త చిన్ననాటి ఫొటో అల్బమ్ తిరగేస్తూ ఒక ఫొటో చూసి షాక్ అయిన భార్య.. కారణమేంటంటే..

ఈ ట్రాష్ బ్యాగ్‌ను దూడ చర్మంతో తయారు చేశారట. ఈ బ్యాగ్‌ను ఈ ఏడాది మార్చిలో పారిస్‌లోని రెడీ-టు-వేర్ కలెక్షన్‌లో ప్రదర్శించారు. ప్రస్తుతం ఆ బ్రాండ్‌కు సంబంధించిన స్టోర్‌లలో ఆ బ్యాగ్‌లు అందుబాటులోకి వస్తున్నాయి. `ప్రపంచంలోనే అత్యంత ఖరీదైన చెత్త బ్యాగ్‌ని తయారు చేసే అవకాశాన్ని నేను కోల్పోలేను. ఎందుకంటే ఫ్యాషన్ సామ్రాజ్యాన్ని ఎవరు ఇష్టపడరు?` అని Balenciaga's క్రియేటివ్ డైరెక్టర్ Demna Gvasalia పేర్కొన్నారు. కాగా, చెత్త బ్యాగ్ ఖరీదుపై నెటిజన్లు తమదైన శైలిలో స్పందిస్తున్నారు. అత్యంత ఖరీదైన డిజైనర్ ట్రాష్ బ్యాగ్‌ను వాడాల్సిన అవసరం ఏముందని ప్రశ్నిస్తున్నారు.