సంగారెడ్డి పోలీసు కార్యాలయంలో ఆయుధ పూజ
ABN , First Publish Date - 2022-10-04T05:09:51+05:30 IST
శాంతి భద్రతల పరిరక్షణలో పోలీసు అధికారులు, సిబ్బంది సఫలీకృతమవ్వాలని సంగారెడ్డి జిల్లా ఎస్పీ రమణకుమార్‌ ఆకాంక్షించారు.
సంగారెడ్డి రూరల్‌, అక్టోబరు 3: శాంతి భద్రతల పరిరక్షణలో పోలీసు అధికారులు, సిబ్బంది సఫలీకృతమవ్వాలని సంగారెడ్డి జిల్లా ఎస్పీ రమణకుమార్‌ ఆకాంక్షించారు. దుర్గాష్టమి పర్వదినాన్ని పురుస్కరించుకుని సోమవారం సంగారెడ్డిలోని పోలీస్‌ కార్యాలయంలో ఆయుధాలు, వాహనాలకు ఎస్పీ సతీసమేతంగా పూజలు నిర్వహించారు. ఈ సందర్భంగా ఎస్పీ మాట్లాడుతూ పోలీసు అధికారులు శాంతి భద్రతలను కాపాడేందుకు కృషి చేయాలన్నారు. కార్యక్రమంలో సంగారెడ్డి డీఎస్పీ రవీంద్రారెడ్డి, ఆర్‌ డీఎస్పీ జనార్దన్‌, ఆర్‌ఐలు కృష్ణ, దానియల్‌, రామారావు, సిబ్బంది పాల్గొన్నారు.
జీజీహెచ్‌లో ఆయుధపూజ
సంగారెడ్డి అర్బన్‌, అక్టోబరు 3 : సంగారెడ్డిలోని ప్రభుత్వ జనరల్‌ ఆస్పత్రిలో విజయదశమిని పురస్కరించుకొని సోమవారం ఆయుధపూజ నిర్వహించారు. ఆపరేషన్‌ థియేటర్‌, ఐసీయూల్లో వైద్య పరికరాలకు ప్రత్యేక పూజలు నిర్వహించారు. కార్యక్రమంలో మెడికల్‌ కాలేజీ ప్రిన్సిపాల్‌ డాక్టర్‌ వాణి, సూపరింటెండెంట్‌ డాక్టర్‌ అనీల్‌కుమార్‌, డాక్టర్లు, సిబ్బంది తదితరులు పాల్గొన్నారు.
