కొత్త గ్రహం ఇలానే పుడుతుందా?.. ఫొటోలు షేర్ చేసిన పరిశోధకులు!

లండన్: సువిశాలమైన అంతరిక్షంలో నక్షత్రాలు, గ్రహాలు ఎలా పుడతాయి? అనేది శాస్త్రవేత్తలకు ఇప్పటి వరకు అంతుచిక్కని ప్రశ్నే. అయితే ఈ ప్రశ్నకు సమాధానం లభించిందంటున్నారు దక్షిణ యూరోపియన్ అబ్జర్వేటరీ పరిశోధకులు. ఇక్కడి అత్యంత భారీ టెలిస్కోప్ వీఎల్‌టీ ద్వారా ఓ కొత్త గ్రహం పుట్టుకకు సంబంధించిన చిత్రాలను తీశామని వారు చెప్తున్నారు. భూమికి 520 కాంతి సంవత్సరాల దూరంలో ఉన్న ఏబీ ఆరిగే నక్షత్ర కుటుంబంలో ఈ పరిణామం సంభవించిందని వారు చెప్తున్నారు. వీరు విడుదల చేసిన చిత్రాల్లో ధూళి, వాయువులు సుడులు తిరుగుతున్నాయి. ఇవన్నీ కలిసి ఓ కొత్త గ్రహం ఏర్పడుతోందని పరిశోధకులు భావిస్తున్నారు. ప్రస్తుతం దీనిపై శాస్త్రవేత్తల మధ్య సుదీర్ఘ చర్చలు నడుస్తున్నాయి.