ఎన్నికల నిర్వహణకు సహకరించాలి
ABN , First Publish Date - 2022-05-21T06:09:50+05:30 IST
జిల్లాలో ప్రశాంత వాతావరణంలో ఉప ఎన్నికల నిర్వహణకు అన్ని రాజకీయపక్షాలు సహకరించాలని స్థానిక సంస్థల అదనపు కలెక్టర్‌ రాహుల్‌శ ర్మ అన్నారు.
అదనపు కలెక్టర్‌ రాహుల్‌శర్మ
నల్లగొండ టౌన్‌, మే 20: జిల్లాలో ప్రశాంత వాతావరణంలో ఉప ఎన్నికల నిర్వహణకు అన్ని రాజకీయపక్షాలు సహకరించాలని స్థానిక సంస్థల అదనపు కలెక్టర్‌ రాహుల్‌శ ర్మ అన్నారు. త్వరలో పలు గ్రామాలు, వార్డులకు ఉప ఎన్నికలు నిర్వహించనున్న నేపథ్యంలో శుక్రవారం ఆయన తన చాంబర్‌లో డీపీవో విష్ణువర్థన్‌రెడ్డితో కలిసి రాజకీయ పార్టీల నేతలతో సమావేశం నిర్వహించారు. ఈ సందర్భంగా ఆయన మాట్లాడుతూ ఉప ఎన్నికలు నిర్వహించనున్న ప్రాంతాలకు సంబంధించిన ఓటర్ల తుది జాబితాను ఇప్పటికే విడుదల చేశామన్నారు. నకిరేకల్‌ నియోజకవర్గంలోని ఏడు గ్రామపంచాయతీలకు ఎన్నికలు జరగనుండటంతోపాటు నల్లగొండలోని పలు వార్డులకు ఉప ఎన్నికలు నిర్వహిస్తున్నామన్నారు. రాష్ట్ర ఎన్నికల సంఘం ఆదేశాల మేరకు అన్ని చర్యలు తీసుకుంటున్నామన్నారు. సమావేశంలో టీడీపీ మైనార్టీ విభాగం జిల్లా ప్రధాన కార్యదర్శి ఎంఏ రఫిక్‌, టీడీ పీ పట్టణశాఖ అధ్యక్షుడు సత్యనారాయణ, టీఆర్‌ఎ్‌సనేత బక్క పిచ్చయ్య పాల్గొన్నారు.
