దాదాపు 25 రోజుల నుంచి జైలు జీవితం గడుపుతున్న ఆర్యన్ ఖాన్‌కు ఎట్టకేలకు బెయిల్ దొరికింది. ప్రస్తుతం ముంబైలోని ఆర్థర్ రోడ్డు జైలులో ఉన్న ఆర్యన్ ఈ రోజే జైలు నుంచి బయటకు వచ్చే అవకాశముంది. తనకు బెయిల్ లభించినట్టు గురువారం సాయంత్రం 6 గంటల సమయంలో ఆర్యన్‌కు తెలిసిందట. దీంతో ఆర్యన్ ఎంతో సంతోషపడ్డాడట. తన సంతోషాన్ని ఇతర ఖైదీలతో పంచుకున్నాడట. అంతేకాదు వారిలో కొంతమందికి ఓ హామీ కూడా ఇచ్చాడట.
తన బ్యారక్‌లో ఉన్న కొందరి కుటుంబాలకు ఆర్థికంగా సహాయం చేస్తానని హామీ ఇచ్చాడట. కొందరికి పని కల్పిస్తానని, మరికొందరికి ఆర్థికంగా సహాయం చేస్తానని మాట ఇచ్చాడట. దీంతో వారందరూ ఆర్యన్‌కు ధన్యవాదాలు తెలియజేశారట. ఈ నెల రెండో తేదీన డ్రగ్స్ కేసులో ఆర్యన్‌ను నార్కొటిక్స్ కంట్రోల్ బ్యూరో అధికారులు అరెస్ట్ చేసిన సంగతి తెలిసిందే. అప్పట్నుంచి ఆర్యన్ ఆర్థర్ రోడ్డు జైలులోనే ఉంటున్నాడు. గురువారం ముంబై హై కోర్టు ఆర్యన్‌కు బెయిల్ మంజూరు చేసింది.