మీరు గ్యాడ్జెట్కు బానిసయ్యారా?
ABN , First Publish Date - 2022-05-25T07:26:08+05:30 IST
మొబైల్, టాబ్లెట్, కంప్యూటర్, టీవీ... వీటిలో ఎప్పుడూ ఏదో ఒకటి చూడకపోతే బోర్ అని ఫీలయ్యే పిల్లలు ఉన్నారు.
మొబైల్, టాబ్లెట్, కంప్యూటర్, టీవీ... వీటిలో ఎప్పుడూ ఏదో ఒకటి చూడకపోతే బోర్ అని ఫీలయ్యే పిల్లలు ఉన్నారు. అయితే గ్యాడ్జెట్కు అడిక్ట్ కావడం మంచిది కాదంటున్నారు నిపుణులు. మరి మీరు ఏ కోవకు చెందిన వారో తెలుసుకోవాలంటే ఈ క్విజ్ పూర్తి చేయండి.
కొన్ని నిమిషాల పాటు మీ ఫోన్ కనిపించలేదు. అప్పుడేం చేస్తారు?
ఎ. ఒత్తిడికి, ఆందోళనకు గురవుతాను.
బి. పట్టించుకోను.
మీకిష్టమైన గ్యాడ్జెట్ను రోజూ ఎంత సమయం చూస్తారు?
ఎ. రెండు నుంచి ఐదు గంటల పాటు. స్కూల్ లేకుంటే ఉదయం నుంచి రాత్రి వరకు.
బి. రెండు గంటల కన్నా తక్కువ.
మీకిష్టమైన డివైజ్ నుంచి ఎంత సమయం దూరంగా ఉండగలుగుతారు?
ఎ. అరగంట కన్నా తక్కువ.
బి. అసలు పట్టించుకోను.
ఫోన్ వల్ల స్కూల్ వర్క్, ఇతర పర్సనల్ పనులు చేసుకోవడం ఆలస్యమవుతుంటుందా?
ఎ. అవును
బి. లేదు
నిద్రపట్టకపోవడం, మెడనొప్పి, వెన్నునొప్పి వంటి సమస్యలున్నాయా?
ఎ. అవును
బి. లేదు
కాసేపు ఫోన్ చూడకపోతే ఏం మెసేజ్లు వచ్చాయో అని అందోళన చెందుతారా?
ఎ. అవును.
బి. లేదు
ఉదయం లేవగానే ఫోన్ చెక్ చేస్తారా?
ఎ. అవును
బి. లేదు.
సమాధానం
మీ సమాధానాలు ‘ఎ’ ఎక్కువగా వచ్చినట్లయితే మీరు ఫోన్కు అడిక్ట్ అయినట్టే. వెంటనే అలవాటును మార్చుకోండి.