ఏపీ అడ్వకేట్స్‌ అసోసియేషన్‌ జేఏసీ ఆవిర్భావం
ABN , First Publish Date - 2021-03-08T05:43:26+05:30 IST
రాష్ట్రంలోని న్యాయవాద సంఘాలు కలసి ఉమ్మడిగా వారి సమస్యలు పరిష్కారం కోసం ఏపీ అడ్వకేట్స్‌ అసోసియేషన్‌ జేఏసీ పేరిట నూతన సంఘాన్ని ఏర్పాటు చేశారు.
గుంటూరు(తూర్పు), మార్చి7: రాష్ట్రంలోని న్యాయవాద సంఘాలు కలసి ఉమ్మడిగా వారి సమస్యలు పరిష్కారం కోసం ఏపీ అడ్వకేట్స్‌ అసోసియేషన్‌ జేఏసీ పేరిట నూతన సంఘాన్ని ఏర్పాటు చేశారు. ఆదివారం బ్రాడీపేటలో ఓ హోటల్లో జరిగిన కార్యక్రమంలో జేఏసీ నూతనకార్యవర్గాన్ని ఎన్నుకున్నారు. సంఘ చైర్మన్‌గా యెన్నపూస భాగ్యలక్ష్మీరెడ్డి(అనంతపురం), కన్వీనర్‌గా పల్లపుకృష్ణ(గుంటూరు) ఏకగ్రీవంగా ఎన్నికయ్యారు. సంఘ ఉపాధ్యక్షులుగా కె. సత్యనారాయణ, ఐ.శివప్రసాదు, స్వామి ఎన్నికయ్యారు. వీరితో పాటు కోకన్వీనర్లను, గౌరవ సలహాదారులను ఎన్నుకున్నారు.
