హ్యూమన్ కంపోస్టింగ్కు మరో అమెరికా రాష్ట్రం గ్రీన్ సిగ్నల్
ABN , First Publish Date - 2021-06-18T04:52:43+05:30 IST
మనుషులు మరణించిన తర్వాత వారి మృతదేహాలను ఎరువులుగా మార్చే హ్యూమన్ కంపోస్టింగ్ విధానానికి మరో అమెరికా రాష్ట్రం గ్రీన్ సిగ్నల్ ఇచ్చింది.
ఓరెగాన్: మనుషులు మరణించిన తర్వాత వారి మృతదేహాలను ఎరువులుగా మార్చే హ్యూమన్ కంపోస్టింగ్ విధానానికి మరో అమెరికా రాష్ట్రం గ్రీన్ సిగ్నల్ ఇచ్చింది. ఇప్పటికే వాషింగ్టన్లో ఈ విధానం అమల్లో ఉంది. ఇప్పుడు తాజాగా ఓరెగాన్ కూడా దీనికి సంబంధించిన బిల్లును ఆమోదించింది. హ్యూమన్ కంపోస్టింగ్ను ప్రతిపాదించిన హౌస్ బిల్ 2574పై ఓరెగాన్ గవర్నర్ కేట్ బ్రౌన్ సంతకం కూడా చేశారు. ఈ బిల్లుతో నేచురల్ ఆర్గానిక్ రిడక్షన్ చట్టబద్ధం అవుతుంది. దీన్నే హ్యూమన్ కంపోస్టింగ్ అని కూడా పిలుస్తారు. దీంతోపాటు ఆల్కాలిన్ హైడ్రాలసిస్ లేదా ఆక్వా క్రిమేషన్కు సంబంధించిన నిబంధనలను కూడా ఈ బిల్లు వివరిస్తుంది. ఇది వచ్చే ఏడాది జూలై 8 నుంచి అమల్లోకి వస్తుందట.