Hyderabad : త్వరలో మరో 27 బస్తీ దవాఖానాలు
ABN , First Publish Date - 2022-01-08T16:24:59+05:30 IST
మహానగరంలో 27 బస్తీ దవాఖానాలు అందుబాటులోకి రానున్నాయి.
హైదరాబాద్ సిటీ : మహానగరంలో 27 బస్తీ దవాఖానాలు అందుబాటులోకి రానున్నాయి. ఈ మేరకు జీహెచ్‌ఎంసీ, వైద్యారోగ్య శాఖలు సంయుక్తంగా ఏర్పాట్లు చేస్తున్నాయి. భవనాల గుర్తింపు, సదుపాయాల కల్పన, వైద్యులు, సిబ్బంది నియామకం తుది దశకు చేరుకుందని త్వరలో ప్రారం భోత్సవం ఉంటుందని ఓ అధికారి తెలిపారు. గ్రేటర్‌లో ఇప్పటికే 256 దవాఖానాల్లో వైద్య సేవలందుతు న్నాయి. బస్తీ దవాఖానాల్లో 54 రకాల పరీక్షలు, పలు వ్యాధులకు చికిత్స అందిస్తున్నారు. అవసరాన్ని బట్టి ఇతర ఆస్పత్రులకూ సిఫారసు చేస్తున్నారు. కేన్సర్‌ నిర్ధారణ పరీక్షలు ఈ దవాఖా నాల్లో నిర్వహిస్తుం డడం గమనార్హం.
