Jul 24 2021 @ 13:08PM

'ఇష్క్'లోని 'ఆనందం మదికే..' సాంగ్ రిలీజ్!

యంగ్ హీరో తేజ సజ్జ - ప్రియా ప్రకాశ్ వారియర్ జంటగా నటించిన సినిమా 'ఇష్క్ '.. 'నాట్ ఏ లవ్ స్టోరీ' అనేది ఉప శీర్షిక. తాజాగా ఈ సినిమాలో సాంగ్‌ను రిలీజ్ చేసింది చిత్రబృందం. ఎస్.ఎస్.రాజు దర్శకుడిగా పరిచయమవుతున్న ఈ సినిమాను ఎన్వీ  ప్రసాద్ - పారస్ జైన్ - వాకాడ అంజన్ కుమార్ బాబు సంయుక్తంగా నిర్మించారు. లాక్ డౌన్ కారణంగా ఆగిపోయిన 'ఇష్క్' సినిమాను ఈ నెల 30వ తేదీన థియేటర్లలో విడుదల చేస్తున్నారు. ఈ క్రమమంలో ప్రమోషన్స్‌లో జోరు పెంచారు. ఇందులో భాగంగా ఈ సినిమా నుంచి ప్రముఖ సింగర్ సిద్ శ్రీరామ్ పాడిన 'ఆనందం మదికే..' సాంగ్‌ను మేకర్స్ రిలీజ్ చేశారు. శ్రీమణి సాహిత్యాన్ని అందించగా, మహతి స్వరసాగర్ స్వరపరిచారు. ప్రస్తుతం ఈ సాంగ్ ప్రేక్షకులను ఆకట్టుకుంటోంది.