అమెజాన్ ‘వరల్డ్‌ CEO’... హెరింగ్టన్‌

క్యాలిఫోర్నియా : అమెజాన్ స్టోర్స్‌ వరల్డ్‌వైడ్ కు CEOగా హెరింగ్టన్‌ను ఈ కామర్స్ దిగ్గజం ‘అమెజాన్’ నియమించింది. టెక్ దిగ్గజం అమెజాన్... డౌగ్ హెరింగ్టన్ కంపెనీ వరల్డ్‌వైడ్ అమెజాన్ స్టోర్స్ వ్యాపారానికి కొత్త చీఫ్ ఎగ్జిక్యూటివ్ ఆఫీసర్(CEO) అవుతారని ప్రకటించింది, దీనిని గతంలో ‘కన్స్యూమర్’గా వ్యవహరించేవారు. హారింగ్టన్ 17 సంవత్సరాలుగా అమెజాన్‌లో ఉన్నారు. వినియోగ వస్తువుల వ్యాపారాన్ని నిర్మించడానికి 2005లో కంపెనీలో చేరారు. దశాబ్దమున్నర కింద, 2007లో AmazonFreshని ప్రారంభించడంతోపాటు 2015 లో... ఆయన Amazon ఉత్తర అమెరికా వినియోగదారు వ్యాపారానికి నాయకత్వం వహించారు. ‘డౌగ్, నేను... 2011 నుండి S-టీమ్‌లో కలిసి పనిచేశాం. మంచి వ్యాపారదక్షత కలవాడు’ అని అమెజాన్ CEO ఆండీ జాస్సీ ఒక బ్లాగ్‌పోస్ట్‌లో తెలిపారు.