e-commerce మార్కెట్ వాటా కోసం... అమెజాన్‌ X వాల్‌మార్ట్

న్యూయార్క్ : వాల్‌మార్ట్ తన ఇ-కామర్స్ వ్యాపారం కోసం తన స్టోర్‌ల నెట్‌వర్క్‌పై ఎక్కువగా ఆధారపడుతోందన్న విషయం తెలిసిందే. వాల్‌మార్ట్ U.S. యొక్క చీఫ్ ఇ-కామర్స్ ఆఫీసర్ టామ్ వార్డ్, ఈ హోదాలోకి అడుగుపెట్టిన తర్వాత తన మొదటి ఇంటర్వ్యూలో మాట్లాడుతూ... ‘స్టోర్... షాపింగ్ చేయదగిన కేంద్రంగా మారుతోంది’ అని వ్యాఖ్యానించారు.

వాల్‌మార్ట్ తన స్టోర్‌లను డెలివరీ డ్రోన్‌ల కోసం లాంచ్ ప్యాడ్‌లుగా, డైరెక్ట్-టు-ఫ్రిడ్జ్ డ్రాప్-ఆఫ్‌ల కోసం డిపార్చర్ లొకేషన్‌లుగా ఉపయోగిస్తోంది. అంతేకాకుండా... త్వరలో స్టోర్‌ల నుండి థర్డ్-పార్టీ విక్రేతల వస్తువులను ప్యాకింగ్, షిప్పింగ్ చేయడం ప్రారంభించనుంది.

అమెజాన్ దాదాపు 40% మార్కెట్ వాటాతో ఆధిపత్యం చెలాయిస్తోన్న విషయం తెలిసిందే. ఇ-కామర్స్‌లో అమెజాన్‌ను ఎదుర్కొనే క్రమంలో...  వాల్‌మార్ట్... స్టోర్‌లకు సంబంధించి పెద్దఎత్తున దృష్టి సారిస్తోంది.