VISA: అమెరికా మరో కీలక నిర్ణయం.. ఇక వచ్చే ఏడాదంతా ఇంతే..
ABN , First Publish Date - 2021-12-25T01:39:37+05:30 IST
కరోనా ముప్పు పొంచి ఉన్న నేపథ్యంలో అమెరికా విదేశాంగ శాఖ మరో కీలక నిర్ణయం తీసుకుంది. హెచ్-1బీ వంటి వివిధ రకాల నాన్ ఇమ్మిగ్రేషన్ వీసాల జారీకి సంబంధించి వ్యక్తిగత ఇంటర్వూలను తాత్కాలికంగా నిలిపివేస్తున్నట్టు ప్రకటించింది. 2022 డిసెంబర్ నెలాఖరు వరకూ ఈ నిబంధన అమల్లో ఉంటుందని ప్రకటించింది.
ఇంటర్నెట్ డెస్క్: కరోనా ముప్పు పొంచి ఉన్న నేపథ్యంలో అమెరికా విదేశాంగ శాఖ మరో కీలక నిర్ణయం తీసుకుంది. హెచ్-1బీ వంటి వివిధ రకాల నాన్ ఇమ్మిగ్రేషన్ వీసాల జారీకి సంబంధించి వ్యక్తిగత ఇంటర్వూలను తాత్కాలికంగా నిలిపివేస్తున్నట్టు ప్రకటించింది. 2022 డిసెంబర్ నెలాఖరు వరకూ ఈ నిబంధన అమల్లో ఉంటుందని ప్రకటించింది. ఈ మేరకు గురువారం కాన్సులార్ కార్యాలయాలకు ఆదేశాలు జారీ చేసింది. అయితే.. అవసరమైన సందర్భాల్లో కాన్సులార్ అధికారి ఇంటర్వ్యూలు నిర్వహించేందుకు కూడా అనుమతించింది. హెచ్-1బీ, హెచ్-3, ఎల్ కేటగిరీ, ఓ వీసా, పీ వీసా, క్యూ వీసాల జారీలో ప్రభుత్వం ఈ మినహాయింపు ప్రకటించింది. అంతేకాకుండా.. విద్యార్థులకు ఇచ్చే ఎఫ్, ఎమ్, జే వీసాల విషయంలోనూ ఇది వర్తిస్తుందని పేర్కొంది.