‘మద్యపానం ఆరోగ్యానికి హానికరం’
ABN , First Publish Date - 2021-10-26T04:44:12+05:30 IST
మద్యపానం ఆరోగ్యానికి హానికరమని ప్రిన్సిపాల్ సుబ్బలక్ష్మమ్మ తెలిపారు. కోటిరెడ్డి మహిళా డిగ్రీ కళాశాల నుంచి సోమవారం మాదకద్రవ్యాలు, మద్యపానం వలన కలిగే దుష్ఫ్రభావాలపై అవగాహన ర్యాలీ నిర్వహించారు.
కడప(ఎడ్యుకేషన్), అక్టోబరు 25 : మద్యపానం ఆరోగ్యానికి హానికరమని ప్రిన్సిపాల్ సుబ్బలక్ష్మమ్మ తెలిపారు. కోటిరెడ్డి మహిళా డిగ్రీ కళాశాల నుంచి సోమవారం మాదకద్రవ్యాలు, మద్యపానం వలన కలిగే దుష్ఫ్రభావాలపై అవగాహన ర్యాలీ నిర్వహించారు. ర్యాలీని ప్రారంభించిన ఆమె మాట్లాడుతూ మద్యపానం అలవాటుగా ప్రారంభమై చివరకు వ్యసనంగా మారుతుందన్నారు. తాగుడుకు అలవాటైన వ్యక్తి పతనం కాక తప్పదన్నారు. తన ఆరోగ్యాన్ని పాడుచేసుకోవడంతో పాటు కుటుంబం ఆర్థికంగా ఇబ్బందులు ఎదుర్కొనే పరస్థితులు నెలకొంటాయన్నారు. కార్యక్రమంలో ప్రోగ్రాం కో-ఆర్డినేటర్ డి.విన్నీతేజ, వైస్ ప్రిన్సిపాల్ ఎల్.సుధీర్, అధ్యాపకులు, విద్యార్థులు పాల్గొన్నారు.