Abn logo
May 11 2020 @ 22:36PM

అఖిల్ సినిమాపై వస్తున్న వార్తల్లో నిజంలేదట

అఖిల్ అక్కినేని, పూజా హెగ్డే హీరోహీరోయిన్లుగా బొమ్మరిల్లు భాస్కర్ దర్శకత్వంలో రూపుదిద్దుకుంటున్న చిత్రం ‘మోస్ట్ ఎలిజిబుల్ బ్యాచ్‌ల‌ర్’. అన్నీ బాగుంటే ఈ చిత్రం ఇప్పుడు విడుదలకు సిద్ధంగా ఉండేది. కానీ కరోనా రూపంలో ఈ చిత్రం ఎడిటింగ్ టేబుల్‌పైనే ఆగిపోయింది. అయితే కొన్ని రోజులుగా సోషల్ మీడియాలో ఈ సినిమాపై కొన్ని వార్తలు వినిపిస్తున్నాయి. కింగ్ నాగార్జున ఈ సినిమా చూశారని, ఫైనల్ అవుట్‌పుట్ పట్ల అసంతృప్తి వ్యక్తం చేశారనే రూమర్స్ బాగా వినిపిస్తున్నాయి. దీంతో అక్కినేని అభిమానుల్లో నిరాశ మొదలైంది.


అయితే తాజాగా అందుతున్న సమాచారం ప్రకారం అసలు ఇంత వరకు ఈ సినిమాకు సంబంధించి ఎడిటింగ్ పనులు మొదలవ్వలేదట. అలాగే కింగ్ నాగార్జున కూడా ఈ సినిమా చూడలేదట. చూడకుండానే అసంతృప్తి వ్యక్తం చేయడం ఏమిటో అని చిత్రయూనిట్ నవ్వుకుంటున్నారట. సోషల్ మీడియాలో వచ్చే వార్తలకు అంతే లేకుండా పోతుందని, రూమర్స్ పుట్టించవచ్చుకానీ, మరీ ఈ రేంజ్‌లోనా అంటూ చిత్రయూనిట్ ఆశ్చర్యం వ్యక్తంచేసినట్లుగా టాక్ నడుస్తుంది.  

Advertisement
Advertisement
Advertisement