Advertisement
Advertisement
Latest Telugu News
Advertisement
Published: Sun, 15 Aug 2021 17:46:55 IST

భారత్ విమానానికి కాబూల్‌లో ల్యాండింగ్ కష్టాలు

twitter-iconwatsapp-iconfb-icon
భారత్ విమానానికి కాబూల్‌లో ల్యాండింగ్ కష్టాలు

కాబూల్ : ఢిల్లీ నుంచి కాబూల్ వెళ్ళిన ఎయిరిండియా విమానానికి ల్యాండింగ్ సమయంలో ఇబ్బందులు ఎదురయ్యాయి. కాబూల్‌లో ఎయిర్ ట్రాఫిక్ కంట్రోల్ అధికారులు అందుబాటులో లేకపోవడంతో ఈ విమానం సుమారు గంట సేపు ఆకాశంలోనే చక్కర్లు కొట్టవలసి వచ్చింది. ఓ దశలో పైలట్ విమానం రాడార్‌ను స్విచాఫ్ చేశారు. ఈ విమానాన్ని శత్రువులు గుర్తించి, టార్గెట్ చేస్తారేమోననే ఉద్దేశంతో రాడార్‌ను స్విచాఫ్ చేశారు. ఉద్విగ్న వాతావరణంలో ఓ గంట ఆలస్యంగా ఎట్టకేలకు ఈ విమానం ల్యాండ్ అయింది. 


ఎయిరిండియా ఫ్లైట్ 243 ఆదివారం మధ్యాహ్నం ఢిల్లీలోని ఇందిరా గాంధీ విమానాశ్రయం నుంచి బయల్దేరింది. కాబూల్ నగరానికి ప్రయాణ కాలం 2 గంటల 20 నిమిషాలు. కాబూల్ శివారులో తాలిబన్ ఉగ్రవాదులు ఉన్నారు. అక్కడి ఎయిర్ ట్రాఫిక్ కంట్రోల్ సిబ్బంది అందుబాటులో లేకపోవడంతో ఈ విమానం ఆకాశంలోనే ఎగురవలసి వచ్చింది. నాటకీయ పరిణామాల తర్వాత ఓ గంట ఆలస్యంగా దిగింది. కాబూల్‌లోని భారతీయ దౌత్యవేత్తలు, భద్రతా సిబ్బంది భారత దేశానికి ఈ విమానంలో తిరిగి రావలసి ఉంది. 


కాందహార్, మజారే షరీఫ్ నగరాల్లోని భారతీయ దౌత్య కార్యాలయాలను స్థానిక సిబ్బందికి అప్పగించారు. ఈ కార్యాలయాల్లోని భారతీయ సిబ్బందిని ప్రత్యేక విమానాల ద్వారా తరలించారు. 


ప్రస్తుతం ఎయిరిండియా 243 విమానం కాబూల్ విమానాశ్రయంలో ఉంది. ఇంధనాన్ని నింపుకుని, ఢిల్లీకి బయల్దేరవలసి ఉంది.


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.