క్యారెట్‌ ఖీర్‌
ABN , First Publish Date - 2015-09-01T22:18:28+05:30 IST
కావలసిన పదార్థాలు : క్యారెట్‌ - పావు కిలో, చిక్కటి పాలు - లీటరు, పంచదార - పావు కిలో,
కావలసిన పదార్థాలు : క్యారెట్‌ - పావు కిలో, చిక్కటి పాలు - లీటరు, పంచదార - పావు కిలో, జీడిపప్పు - వంద గ్రా., యాలకులు - 4 (పొడిచేసుకోవాలి)
తయారీ విధానం :
క్యారెట్‌ని ముక్కలుగా కోసి కుక్కర్‌లో వేసి మెత్తగా ఉడికించుకోవాలి. తరువాత ఈ ఉడికిన ముక్కలు, జీడిపప్పు కలిపి మిక్సీలో వేసి మెత్తగా పేస్టు చేసుకోవాలి. పాలు కాచి, పొంగువచ్చే సమయంలో ఈ ముద్ద, యాలకుల పొడి వేయాలి. సన్నని సెగపై అడుగు అంటకుండా కలయతిప్పుతూ ఉండాలి. ఇలా పదినిమిషాల పాటు తిప్పి పంచదార వేయాలి. దీంతో క్యారెట్‌ ఖీర్‌ తయారయినట్టే.
ఈ ఖీర్‌ను వేడి వేడిగా తీసుకుంటే భలే రుచిగా ఉంటుంది. చల్లారాక కూడా దీని రుచిలో మార్పేమి ఉండదు. ఇది చాలా బలవర్థకమైన ఆహారం. బాదం పాలులా కనిపించే దీనిని పిల్లలు చాలా ఇష్టంగా తాగుతారు.
