గ్లేజ్‌డ్‌ డోనట్స్‌

 

చిక్కని పాలు - 1 కప్పు, చక్కెర - పావు కప్పు డ్రై ఈస్ట్‌ - 2 1/4 టీ స్పూను, గుడ్లు - 2

(గిలక్కొట్టుకోవాలి), కరిగించిన బటర్‌ - 10 టేబుల్‌ స్పూన్లు, మైదా - 4 కప్పులు, ఉప్పు - అర టీస్పూను, నూనె - వేపుడుకు సరిపడా.

 

కరిగించిన సాల్టెడ్‌ బటర్‌ - 4 టేబుల్‌ స్పూన్లు, వెనిల్లా - 1 టీస్పూను, చక్కెర పొడి - 3 కప్పులు

 

 

 

పాలు వేడి చేసి, చక్కెర వేసి కరిగేవరకూ తిప్పాలి. దీన్లో ఈస్ట్‌ వేసి కలిపి ఐదు నిమిషాలపాటు పక్కనుంచాలి. దీన్లో గిలక్కొట్టిన గుడ్లు, కరిగించిన వెన్న వేసి బాగా కలపాలి. తర్వాత మైదా, ఉప్పు వేసి పిండి ముద్దగా మారేవరకూ కలపాలి. ఇలా కలిపిన పిండిని 10 నిమిషాలపాటు కదిలించకుండా ఉంచాలి. తర్వాత ఈ పిండి ముద్దను నూనె పూసిన గిన్నెలోకి మార్చుకుని, మూతపెట్టి 8 గంటలపాటు లేదా రాత్రంతా ఫ్రిజ్‌లో ఉంచాలి. తర్వాత పిండిని అర అంగుళం మందంగా ఒత్తుకుని, 3 అంగుళాల డోనట్‌ కట్టర్‌తో డోనట్స్‌ కట్‌ చేసుకోవాలి. ఈ డోనట్స్‌ మధ్యలో సీసా మూతతో గుండ్రంగా రంథ్రం చేసుకోవాలి. ఇలా తయారు చేసుకున్న డోనట్స్‌ను వెన్న పూసిన బేకింగ్‌ షీట్‌ మీద పరిచి, అవి ఉబ్బేవరకూ మూతపెట్టి, గంటపాటు పక్కనుంచాలి. తర్వాత నూనె కాచి, మీడియం మంట మీద డోనట్స్‌ను బంగారు రంగు వచ్చేవరకూ వేయించుకోవాలి.