ఖర్జూర లడ్డూ

ABN , First Publish Date - 2019-02-16T20:40:13+05:30 IST

ఖర్జూరంలో విటమిన్‌ బి6, రాగి, మెగ్నీషియం ఉంటాయి. జీడిపప్పులో యాంటీ ఆక్సిడెంట్లు...

ఖర్జూర లడ్డూ

ఖర్జూరంలో విటమిన్‌ బి6, రాగి, మెగ్నీషియం ఉంటాయి. జీడిపప్పులో యాంటీ ఆక్సిడెంట్లు ఉంటాయి. ఇవి ఎదిగే పిల్లల బుద్ధి బలానికి ఎంతో అవసరం. కాబట్టి వీటినెలా తయారు చేయాలంటే....
 
కావలసిన పదార్థాలు:  ఖర్జూరాలు - 1 కప్పు, పచ్చి కొబ్బరి - అర కప్పు, జీడిపప్పు - 1 కప్పు, కొబ్బరి నూనె - రెండు టీస్పూన్లు
 
తయారీ విధానం: ఖర్జూరాలను విత్తనాలు తీసి గంటపాటు నీళ్లలో నానబెట్టాలి.
తర్వాత ఆరబెట్టి పక్కనుంచాలి. జీడిపప్పులో కొబ్బరి కలిపి, బ్లెండ్‌ చేయాలి. దీన్లోనే ఖర్జూరాలు, కొబ్బరి నూనె కూడా వేసి మళ్లీ బ్లెండ్‌ చేయాలి. ఇలా చేయడం వల్ల అదంతా చిక్కని మిశ్రమంలా తయారవుతుంది. ఈ మిశ్రమాన్ని లడ్డూల్లాగా చేతితో ఉండలు చుట్టాలి. వీటిని ఫ్రిజ్‌లో చల్లబరిచి పిల్లలకు ఇస్తే ఇష్టంగా తింటారు.

Updated Date - 2019-02-16T20:40:13+05:30 IST