పాలకూర, మెంతి మలయ్‌ పన్నీర్‌

ABN , First Publish Date - 2017-12-09T22:29:42+05:30 IST

ఆవనూనె- రెండు టేబుల్‌స్పూన్లు, జీడిపప్పులు-పావుకప్పు, జీలకర్ర-అర టీస్పూను, లవంగాలు, వెల్లుల్లి-2...

పాలకూర, మెంతి మలయ్‌ పన్నీర్‌

కావలసినవి
ఆవనూనె- రెండు టేబుల్‌స్పూన్లు, జీడిపప్పులు-పావుకప్పు, జీలకర్ర-అర టీస్పూను, లవంగాలు, వెల్లుల్లి-2 (సన్నగా తరిగి), ఉల్లిపాయ-సగం (సన్నగా తరిగి), లేతపాలకూర-కొద్దిగా, మెంతి ఆకు- నాలుగు కప్పులు(సన్నగా తరిగి), పనీర్‌- కొద్దిగా (తరుగు), పచ్చిబటానీలు- అరకప్పు, మీగడ- పావుకప్పు, ఉప్పులేని వెన్న- రెండు టేబుల్‌స్పూన్లు, కారం, గరంమసాలా, ధనియాలపొడి, జీలకర్రపొడి, పసుపు- ఒక్కోటి అర టీస్పూను చొప్పున, తొక్క తీసిన టొమాటోలు-3(బాగా కడిగి చేతితో చిదిమి), ఉప్పు- రుచికి సరిపడా.
 
తయారీ విధానం
పెద్దమంట మీద నూనె వేడిచేయాలి. అందులో జీడిపప్పు, జీలకర్రలను సువాసన వచ్చేవరకూ వేగించాలి. ఉల్లి, వెల్లుల్లి ముక్కలను అందులో వేసి బంగారు రంగులోకి వచ్చేదాకా వేగించాలి. పాలకూర, మెంతికూర ఇందులో వేసి రెండు నిమిషాలపాటు మగ్గనివ్వాలి. తర్వాత అందులో పనీర్‌, పచ్చి బఠానీలు (ఫ్రిజ్‌లోంచి తీసినవి), మీగడ, వెన్న, కారం, గరంమసాలా, ధనియాలు, జీలకర్రపొడి, పసుపు, టొమాటోలు, ఉప్పు వేసి పావు కప్పు నీళ్లు పోసి ఉడకనివ్వాలి. పాన్‌ మీద మూతపెట్టి సన్నని మంటపై కూరను ఉడకనివ్వాలి. అది దగ్గర పడే వరకు అంటే దాదాపు అరగంట పాటు స్టవ్‌ మీద ఉంచాలి. నీరు ఇంకిపోయే వరకూ కూరను మధ్య మధ్యలో కలుపుతుండాలి. ఈ కర్రీని నాన్‌తో తింటే చాలా బాగుంటుంది.

Updated Date - 2017-12-09T22:29:42+05:30 IST