చాక్లెట్‌ పుడ్డింగ్‌
ABN , First Publish Date - 2018-12-22T18:29:48+05:30 IST
చక్కెర - 2/3 కప్పులు, కార్న్‌ స్టార్చ్‌ - పావు కప్పు, ఉప్పు - పావు టీస్పూను, అన్‌స్టీటెన్డ్‌ కోకో పౌడర్‌...
కావలసిన పదార్థాలు
చక్కెర - 2/3 కప్పులు, కార్న్‌ స్టార్చ్‌ - పావు కప్పు, ఉప్పు - పావు టీస్పూను, అన్‌స్టీటెన్డ్‌ కోకో పౌడర్‌ - 1/3 కప్పు, పాలు - 2 1/2 కప్పు, గుడ్డు పచ్చసొనలు - 4, అన్‌సాల్టెడ్‌ బటర్‌ - 2 టేబుల్‌ స్పూన్లు, వెనిల్లా ఎక్స్‌ట్రాక్ట్‌ - 1 టీస్పూను
తయారీవిధానం
చక్కెర, కార్న్‌స్టార్చ్‌, ఉప్పు కలిపి జల్లెడ పట్టాలి. కోకో పౌడర్‌ కలపాలి. వెడల్పాటి పాన్‌లో పాలు పోసి, జల్లెడ పట్టుకున్న పదార్థాలు పోయాలి. తర్వాత గుడ్ల సొన వేసి గిలక్కొట్టుకోవాలి. ఈ మిశ్రమాన్ని మీడియం ఫ్లేమ్‌ మీద ఉడికిస్తూ బాగా కలపాలి.
పెద్ద బుడగలు వచ్చి పగిలేవరకూ ఉడికించి, మంట తగ్గించాలి. అలా కలుపుతూనే ఒక నిమిషంపాటు ఉడికించాలి. ఈ హాట్‌ పుడ్డింగ్‌ను వడగటుకుని, దీన్లో బటర్‌, వెనిల్లా కలుపుకోవాలి. పుడ్డింగ్‌ నింపిన గిన్నె మీద గాలి చొరబడకుండా మూత పెట్టి, మూడు గంటలపాటు ఫ్రిజ్‌లో ఉంచాలి. సర్వ్‌ చేసే ముందు గరిటెతో కలపాలి.
Updated Date - 2018-12-22T18:29:48+05:30 IST
