గులాబీ షర్బత్‌
ABN , First Publish Date - 2018-03-15T21:49:55+05:30 IST
గులాబీ పూల రెమ్మలు - రెండు కప్పులు (శుభ్రంగా కడిగి పేపర్‌ టవల్‌ మీద ఆరబెట్టాలి), పంచదార...
కావలసినవి
గులాబీ పూల రెమ్మలు - రెండు కప్పులు (శుభ్రంగా కడిగి పేపర్‌ టవల్‌ మీద ఆరబెట్టాలి), పంచదార - ఒక కప్పు, యాలక్కాయ పొడి - అర టీస్పూన్‌, నిమ్మకాయలు - రెండు (రసం తీసి, వడకట్టాలి), దానిమ్మ గింజల రసం - ఒక కప్పు (ఇష్టపడితే)
తయారీవిధానం
గులాబీ పూల రెమ్మలను మెత్తగా గ్రైండ్‌ చేసి లోతైన గాజు గిన్నెలో వేయాలి. అందులో ఒక కప్పు వేడి నీళ్లు పోసి, యాలకల పొడి కలపాలి. గిన్నె మీద మూత పెట్టి రాత్రంతా అలానే ఉంచాలి.
మరుసటి రోజు ఉదయం సన్నటి జాలీలో గులాబీల మిశ్రమాన్ని వడకట్టాలి.
వడకట్టిన రసంలో పంచదార వేసి కరిగేవరకు కలపాలి. వేడిచేయొద్దు.
పంచదార కరిగాక నిమ్మ, దానిమ్మ గింజల రసాలను వేసి బాగా కలపాలి. రెడీ అయిన సిర్‌పను ఫ్రిజ్‌లో ఉంచితే మూడు నుంచి నాలుగు రోజులు వరకు తాజాగా ఉంటుంది.
ఒక పొడవైన గ్లాసులో కొంచెం సిరప్‌ వేసుకుని చల్లటి నీళ్లు లేదా క్రష్డ్‌ ఐస్‌ వేసుకుని తాగితే టేస్టీగా ఉంటుంది. ఈ షర్బత్‌ వేడికి చెక్‌ పెడుతుంది కూడా!
Updated Date - 2018-03-15T21:49:55+05:30 IST
