Advertisement
Advertisement
Latest Telugu News
Advertisement
Published: Fri, 19 Aug 2022 00:51:22 IST

తల్లిదండ్రులు మందలించారని యువతి ఆత్మహత్య

twitter-iconwatsapp-iconfb-icon
తల్లిదండ్రులు మందలించారని యువతి ఆత్మహత్య సౌందర్య(ఫైల్‌ ఫొటో)

పాలకవీడు, ఆగస్టు18: తల్లిదండ్రులు మందలించారనే మన స్తాపంతో ఆత్మహత్యాయత్నం చేసిన యువతి చికిత్స పొందుతూ మృతి చెందింది. ఈ ఘటన పాలకవీడు మండలం శూన్యపహాడ్‌లో జరిగింది. ఎస్‌ఐ సైదులుగౌడ్‌ తెలిపిన వివరాల ప్రకారం.. శూన్యపహాడ్‌ గ్రామానికి చెందిన రమావత్‌ కాంతారావుకు ముగ్గురు సంతానం. ఇద్దరు కుమారులు, ఒక కుమార్తె సౌందర్య(19) ఉన్నారు. రెండు నెలల క్రితం దామరచర్ల మండలం కుందూరు జానారెడ్డి కాలనీకి చెందిన ధనావత్‌ గిరిబాబుతో సౌందర్యకు వివాహమైంది. పెళ్లయిన తర్వాత రాఖీ పండుగ రావడంతో తన సోదరులిద్దరికి రాఖీ కట్టేందుకు ఈ నెల 12న తన తల్లిదండ్రుల ఊరు శూన్యపహాడ్‌కు ఒంటరిగా వచ్చింది. పెళ్లి అయిన కొత్తలో అలా ఒంటరిగా రావొద్దని, భర్తను వెంట తీసుకురావాలని తల్లిదండ్రులు మందలించారు. తల్లిదండ్రుల మాటకు మన స్తాపం చెందిన సౌందర్య అదే రోజున(ఈ నెల 12న) ఇంట్లో ఎవరూ లేని సమయంలో పొలానికి తెచ్చిన గడ్డి మందును తాగి ఆత్మహత్యాయత్నం చేసింది. వెంటనే గుర్తించిన కుటుంబసభ్యులు మిర్యాలగూడ ప్రభుత్వ ఆస్పత్రికి తరలించారు. పరిస్థితి విషమించడంతో హైదరాబాద్‌లోని నిమ్స్‌ ఆస్పత్రికి తరలించి చికిత్స అందిస్తున్నారు. చికిత్స పొందుతున్న ఆ యువతి బుధవారం మృతి చెందింది. సౌందర్య తండ్రి రమావత్‌ కాంతారావు ఫిర్యాదుమేరకు గురువారం కేసు నమోదు చేసి దర్యాప్తు చేస్తున్నట్లు తెలిపారు. 




Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.