Advertisement
Advertisement
Latest Telugu News
Advertisement
Published: Fri, 16 Sep 2022 00:00:00 IST

సాఫల్యానికి సోపానం

twitter-iconwatsapp-iconfb-icon
సాఫల్యానికి సోపానం

బాధామయమైన ఈ ప్రపంచాన్ని సంతోషభరితం చెయ్యడానికి దైవకుమారుడైన ఏసు క్రీస్తు ఈ భూమిపై అవతరించాడు. మహోన్నతమైన జీవన విధానాన్ని ప్రబోధించడమే కాదు, దాన్ని స్వయంగా ఆచరించాడు. సామాన్యులలో సామాన్యుడై బతికాడు. అందుకే సామాన్యుల హృదయాలను ఆయన స్పృశించగలిగాడు. దీనికంతటికీ కారణం... మనుషులపై ఆయనకు ఉన్న అపారమైన ప్రేమ. అది ఎలాంటి లెక్కలకూ అందని, విశ్వమంత విస్తారమైన ప్రేమ. ఆవేదన, ఆవేశం, నిరాశ, నిస్పృహా, నిట్టూర్పు, బాధ, దుఃఖం, అజ్ఞానం... ఇవన్నీ మానవుల్లో సాధారణంగా ఉండే గుణాలే. వాటి నుంచి విముక్తి పొందే మార్గాన్ని ఏసు చూపించాడు. అనాథలకూ, పేదలకూ, దీనులకూ ఆపన్నహస్తమై నిలిచాడు. కష్టాల్లో ఉన్నవారి కన్నీళ్ళు తుడిచాడు. కొండంత గుండె ధైర్యాన్ని ఇచ్చి, వెన్ను తట్టి ముందుకు నడిపించాడు. రోగులను అక్కున చేర్చుకొని... స్వస్థత కలిగించాడు. దారి తప్పినవారికి హితవు చెప్పి, నీతిగా బతకమనీ, పరులకోసం పాటుపడమనీ ఆదేశించాడు.


దుఃఖపడేవారు ఎందుకూ పనికిరానివారేమీ కాదనీ, ధన్యులై దేవుని రాజ్యంలో తిరిగేది వాళ్ళేననీ చాటి చెప్పాడు. మానవులు ఎలా ఉండాలో తన ప్రవర్తన ద్వారా ఆయన చూపించి, ఆదర్శంగా నిలిచాడు. లోతైన కఠిన వేదాంత సూత్రాలు కాకుండా... ఆచరణాత్మకమైన మామూలు మాటలతోనే ఆయన తన ఉపదేశాలు చేశాడు. అవి మానవాళికి ఏ కాలానికైనా మార్గదర్శకాలే. వాటిని అనుసరించడమే జీవన సాఫల్యానికి సోపానం.                                 


  డాక్టర్‌ దేవదాసు బెర్నార్డ్‌ రాజు, 9866755024

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement

ఓపెన్ హార్ట్Latest News in Telugu మరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.