జంతు ప్రపంచంలోకి కొత్తజీవి!
ABN , First Publish Date - 2021-06-07T05:30:00+05:30 IST
ఎన్నో కప్పలు చూసుంటారు. కానీ ఈ కప్పను చూడటం మాత్రం ఇదే మొదటిసారి. అందుకే శాస్త్రవేత్తలు ఆ కప్ప పేరును జంతు ప్రపంచంలోకి చేర్చారు...
ఎన్నో కప్పలు చూసుంటారు. కానీ ఈ కప్పను చూడటం మాత్రం ఇదే మొదటిసారి. అందుకే శాస్త్రవేత్తలు ఆ కప్ప పేరును జంతు ప్రపంచంలోకి చేర్చారు. ‘చాక్లెట్‌ ఫ్రాగ్‌’ అని పిలుస్తున్న ఆ కప్ప విశేషాలివి...
- ప్రపంచంలోనే రెండో అతిపెద్ద దీవి అయిన న్యూ గినియాలోని దట్టమైన అడవుల్లో ఆస్ట్రేలియా శాస్త్రవేత్తలు ఒక కప్పను గుర్తించారు. చెట్లపై నివసించే ఆ కప్పను చాక్లెట్‌ ఫ్రాగ్‌ అని శాస్త్రవేత్తలు పిలుస్తున్నారు.
- చాక్లెట్‌ రంగులో ఉండటం వల్ల దానికి ఆ పేరు పెట్టారు. ఆస్ట్రేలియాకు చెందిన శాస్త్రవేత్త స్టీవ్‌ రిచర్డ్స్‌ దీన్ని మొదట గుర్తించారు. పరిశోధన కోసం కప్ప నుంచి కొన్ని స్పెసిమన్స్‌ సేకరించారు. అధ్యయనం తరువాత జంతు ప్రపంచంలోకి కొత్త జీవి వచ్చి చేరినట్టుగా ప్రకటించారు.
- ఈ కప్పకు లాటిన్‌ భాషలో లిటోరియా మీరా అని పేరు. చెట్లపై నివసించే కప్పలు ఆకుపచ్చరంగు చర్మం కలిగి ఉంటాయి. కానీ ఈ కప్ప చర్మం చాక్లెట్‌ రంగులో ఉండడం విశేషం.
Updated Date - 2021-06-07T05:30:00+05:30 IST
