సాగర్‌ సిమెంట్స్‌ లాభంలో 94% క్షీణత

ఏకీకత ప్రాతిపదికన మార్చితో ముగిసిన మూడు నెలలకు సాగర్‌ సిమెంట్స్‌ నికర లాభం 93.71 శాతం క్షీణించింది. ఏడాది క్రితం ఇదే కాలంలో రూ.18.75 కోట్ల లాభా న్ని ప్రకటించిన కంపెనీ, ఈ ఏడాది మార్చితో ముగిసిన త్రైమాసికానికి రూ.1.18 కోట్ల లాభంతో సరిపెట్టుకుంది. సమీక్షా త్రైమాసికానికి అమ్మకాలు కూడా 16.6 శాతం తగ్గి  రూ.305.87 కోట్లకు చేరినట్లు సాగర్‌ సిమెంట్స్‌ జాయింట్‌ మేనేజింగ్‌ డైరెక్టర్‌ శ్రీకాంత్‌ రెడ్డి తెలిపారు. లాక్‌డౌన్‌ కారణంగా మార్చి 23 నుంచి మే 3 వరకూ మట్టపల్లి, గుడిపాడు ప్లాంట్లలో ఉత్పత్తినిలిపివేశామని, ప్రస్తుతం ప్లాంట్లు 30 శాతం సామర్థ్యంతో పని చేస్తున్నాయని చెప్పారు.