6 బంతుల్లో 6 సిక్సులు.. ఆఖరి ఓవర్లో అదిరిపోయే విక్టరీ

ABN , First Publish Date - 2021-07-18T06:46:36+05:30 IST

మ్యాచ్ ఫైనల్ ఓవర్‌కు చేరుకుంది. గెలవాలంటే బ్యాట్స్‌మన్ జట్టు 6 బంతుల్లో 35 పరుగులు చేయాలి. చేతిలో ఉంది 3 వికెట్లు. ఇక ఇది అసాధ్యమేనని..

6 బంతుల్లో 6 సిక్సులు.. ఆఖరి ఓవర్లో అదిరిపోయే విక్టరీ

మ్యాచ్ ఫైనల్ ఓవర్‌కు చేరుకుంది. గెలవాలంటే బ్యాట్స్‌మన్ జట్టు 6 బంతుల్లో 35 పరుగులు చేయాలి. చేతిలో ఉంది 3 వికెట్లు. ఇక ఇది అసాధ్యమేనని అంతా అనుకున్నారు. కానీ క్రీజులో ఉన్న బ్యాట్స్‌మన్ ఏ మాత్రం ఆత్మవిశ్వాసం కోల్పోలేదు. చివరి 6 బంతులనూ 6 సిక్సర్లుగా మలిచి జట్టుకు అదిరిపోయే విక్టరీని అందించాడు. ఈ అనూహ్యమైన ఘటన ఇర్లాండ్ ఎల్‌వీఎస్‌ టీ20 లీగ్‌లో చోటు చేసుకుంది. లీగ్ ఫైనల్‌ మ్యాచ్‌లో క్రెగాగ్, బాలీమెనా జట్లు తలపడగా.. అందులో క్రెగాగ్ జట్టు నిర్ణీత ఓవర్లకు 147 పరుగులు చేసింది. ఛేజింగ్‌కు దిగిన బాలీమెనా మొదటి నుంచే కష్టాల్లో కూరుకుపోయింది. చివరికి 19 ఓవర్లకు 7 వికెట్లు కోల్పోయి కేవలం 113 పరుగులు మాత్రమే చేసి దాదాపు ఓటమి అంచుకు చేరుకుంది.


అయితే చివరి ఓవర్లో బాలీమెనా బ్యాట్స్‌మెన్ గ్లాస్(87నాటౌట్) మైదానంలో అద్భుతం సృష్టించాడు. చివరి 6 బంతులనూ భారీ సక్సర్లుగా మలిచి.. తన జట్టుకు ట్రోఫీని అందించాడు. ఇక ఇదే మ్యాచ్‌లో గ్లాస్ సోదరుడు సామ్ కూడా హ్యాట్రిక్ తీయడం విశేషం. అన్నదమ్ములిద్దరూ అదరగొట్టారన్నమాట. ఇక ఈ విషయం తెలుసుకున్న ఐర్లాండ్ క్రికెట్ అభిమానులు.. తమ దేశానికి కూడా ఓ క్రిస్ గేల్, సెహ్వాగ్, ఏబీ డివిలియర్స్ లాంటి ఆటగాడు దొరికాడంటూ తెగ సంబరపడిపోతున్నారు. 



Updated Date - 2021-07-18T06:46:36+05:30 IST