Live
TV
America లో ఆరుగురు భారతీయుల అరెస్ట్.. అంతా 18 నుంచి 21 ఏళ్ల లోపు వాళ్లే.. ఇంతకీ వాళ్లేం చేశారంటే..
ABN , First Publish Date - 2022-05-08T01:29:54+05:30 IST
: కెనడా నుంచి అమెరికాలోకి అక్రమంగా ప్రవేశించేందుకు ప్రయత్నించిన భారతీయులు తాజాగా అమెరికా పోలీసులకు చిక్కారు.
ఎన్నారై డెస్క్: కెనడా నుంచి అమెరికాలోకి అక్రమంగా ప్రవేశించేందుకు ప్రయత్నించిన భారతీయులు తాజాగా అమెరికా పోలీసులకు చిక్కారు. ఆరుగురు భారతీయులతో పాటూ మరో అమెరికన్‌ను న్యూయార్క్ రాష్ట్ర పోలీసులు అదుపులోకి తీసుకున్నారు. గత వారమే పోలీసులకు అక్రమరవాణా గురించి సమాచారం అందింది. కొందరు ఓ బోటులో రెజిస్ నది ద్వారా కెనడా నుంచి అమెరికా వైపు ప్రయాణిస్తున్నారన్న వారికి తెలిసింది. ఈ క్రమంలో వారు గురువారం అక్వెసాస్నే అనే ప్రాంతానికి చేరుకోగా.. అక్కడ మునిగిపోతున్న ఓ పడవలో ఏడుగురు ప్రయాణికులు వారి కంటపడ్డారు. దీంతో..పోలీసులు వెంటనే అప్రమత్తమై వారిని రక్షించారు.
ఆ ఏడుగురికి ప్రాథమిక చికిత్స అందించిన అనంతరం.. సరిహద్దు గస్తీ పోలీసులు అరెస్టు చేశారు. పోలీసులు అదుపులో ఉన్న ఆరుగులు భారతీయులు 18 నుంచి 21 ఏళ్ల లోపు వయసున్న వారే! కాగా.. వివిధ పోలీసు శాఖ మధ్య సమన్వయం కారణంగా పెను ప్రమాదం తప్పిందని అక్వెసాస్నే పోలీసు అధికారులు ఈ సందర్భంగా పేర్కొన్నారు. ప్రమాద సమయంలో బోటులో లైఫ్ జాకెట్లు లేవని తెలిపారు. గతంలోనూ ఓ భారతీయ కుటుంబం కెనడా నుంచి అమెరికాలో అక్రమంగా ప్రవేశించేందుకు ప్రయత్నిస్తూ గడ్డకట్టే చలికి తాళలేక మరణించిన విషయం తెలిసిందే.
