చాణక్యనీతి: మనిషికి పుట్టుకతో వచ్చే 4 గుణాలు.. వీటికి ఎవరి బోధ అవసరంలేదు!

ఆచార్య చాణక్యుని నీతి శాస్త్ర పుస్తకంలో జీవితంలోని ప్రతికూల పరిస్థితులలో మనిషికి మార్గనిర్దేశం చేసే అనేక విషయాలు ఉన్నాయి. ఇవి పలు విషయాల గురించి అవగాహన కల్పిస్తాయి. కొన్ని గుణాలు మనిషికి సహజంగానే, పుట్టుకతోనే వస్తాయని ఆచార్య చాణక్య తెలిపారు. అవేమిటో ఇప్పుడు తెలుసుకుందాం. 

మధురంగా ​​మాట్లాడటం: మధురంగా ​​మాట్లాడటం ద్వారా, ఎవరైనా అద్భుతాలు చేయవచ్చు. అయితే తీయగా మాట్లాడే కళ అందరికీ రాదు. ఈ గుణం పుట్టినప్పటి నుండి వికసిస్తుంది. ఎంత అనుకున్నా ఎవరికైనా మధురంగా ​​మాట్లాడటం అనేది ఎవరూ నేర్పించలేరు.

దానం చేయడం: దానం చేయడం అనే గుణం అందరిలోనూ ఉండదు. ఇది గొప్ప అదృష్టాన్ని అందిస్తుంది. ఈ గుణం  మనిషిలో చిన్నప్పటి నుంచే అలవడుతుంది. ఉన్నట్టుండి ఈ గుణం ఎవరిలోనూ అభివృద్ధి చెందదు. దానధర్మాల వలన దుఃఖాలు, పాపాలు నశిస్తాయని చాణక్య తెలిపారు.

నిర్ణయం తీసుకునే లక్షణం

నిర్ణయం తీసుకునే లక్షణం ఎవరిలోనూ ఉన్నట్టుండి పెంపొందదు. అది పుట్టినప్పటి నుండే వృద్ధి చెందుతుంది. సరైన సమయంలో సరైన నిర్ణయం తీసుకోవడమనేది గొప్ప గుణం. ఇది కలిగిన వ్యక్తి జీవితంలో అభివృద్ధి చెందుతాడు. అన్ని ఇబ్బందులను అధిగమించగలుగుతాడు. 

సహనం: ఇది అలవాటు చేసుకోవడం అంత సులభం కాదు. ఈ గుణం పుట్టుకతోనే వస్తుంది. ఏదైనా పని లేదా ప్రణాళిక విజయవంతం కావడానికి సహనం చాలా ముఖ్యం. సహనంతో పెద్దపెద్ద కష్టాలు తొలగిపోతాయి. ఓపికగల వ్యక్తి సరైన సమయంలో జాగ్రత్తగా పరిశీలించిన తర్వాత నిర్ణయాలు తీసుకుంటాడు. ఓపిక లేనివారు తొందరపడి ఒక్కోసారి తప్పుడు నిర్ణయాలు తీసుకుంటారు.