Rains: 18 జిల్లాలకు వర్ష సూచన
ABN , First Publish Date - 2022-09-09T13:54:12+05:30 IST
ఉత్తర తమిళనాడు ప్రాంతానికి సమీపంలో ఏర్పడివున్న ఉపరితల ఆవర్తన ద్రోణి ప్రభావం కారణంగా తమిళనాడు, పుదుచ్చేరి, కారైక్కాల్ ప్రాంతాల్లో
అడయార్(చెన్నై), సెప్టెంబరు 8: ఉత్తర తమిళనాడు ప్రాంతానికి సమీపంలో ఏర్పడివున్న ఉపరితల ఆవర్తన ద్రోణి ప్రభావం కారణంగా తమిళనాడు, పుదుచ్చేరి, కారైక్కాల్ ప్రాంతాల్లో వర్షాలు కురిసే అవకాశం ఉందని చెన్నై(Chennai) వాతావరణ కేంద్రం తెలిపింది. ఈ కారణంగా నీలగిరి, కోయంబత్తూరు, తిరుపూరు, తేని, దిండిగల్, ఈరోడ్, కృష్ణగిరి, ధర్మపురి, సేలం, కళ్లకుర్చి, తిరువణ్ణామలై, వేలూరు, రాణిపేట, తిరుపత్తూరు, తిరువళ్ళూరు, కాంచీపురం, కడలూరు, విల్లుపురం జిల్లాలతో పాటు పుదుచ్చేరి, కారైక్కాల్ ప్రాంతాలో తేలిక పాటి నుంచి ఒక మోస్తారు వర్షం కురిసే అవకాశం ఉందని తెలిపింది. చెన్నై నగరం(Chennai city)లో వచ్చే 24 గంటల పాటు ఆకాశం మేఘావృతమై ఉంటుందని, నగరంలోని కొన్ని ప్రాంతాల్లో వర్షపు జల్లులు కురిసే అవకాశం ఉందని వెల్లడించింది.