Advertisement
Advertisement
Latest Telugu News
Advertisement
Published: Sun, 05 Dec 2021 17:36:51 IST

ఎన్‌కౌంటర్‌లో పొరపాటు.. 14 మంది పౌరులు, జవాన్ మృతి

twitter-iconwatsapp-iconfb-icon
ఎన్‌కౌంటర్‌లో పొరపాటు.. 14 మంది పౌరులు, జవాన్ మృతి

కొహిమా: నాగాలాండ్‌లో సైనిక సిబ్బంది కాల్పుల్లో పొరపాటు కారణంగా 14 మంది పౌరులు సహా జవాన్ మృతి చెందారు. స్థానిక మీడియా కథనం ప్రకారం, నాగాలాండ్‌లోని ఎన్ఎస్‌సీఎన్ (కే)లోని ఓ వర్గం సంచరిస్తున్నట్లు సమాచారం రావడంతో మయన్మార్ సరిహద్దుల్లో ఉగ్రవాద వ్యతిరేక కార్యకలాపాలు నిర్వహిస్తున్న భద్రతా దళాలు గాలింపు చర్యలు చేపట్టాయి. మోన్ జిల్లాలోని ఓటింగ్-టిరు గ్రామాల మధ్యలో ఈ ఆపరేషన్ జరుగుతుండగా, రోజు కూలీలు ప్రయాణిస్తున్న వాహనం కూడా అక్కడికి చేరింది. అయితే అందులో ఉన్న ఉగ్రవాదులే అని అనుమానంతో సైనికులు కాల్పులు జరిపారు. ఈ ఘటన శనివారం సాయంత్రం నాలుగు గంటలకు జరిగినట్లు నాగాలాండ్ ప్రభుత్వం పేర్కొంది.

కాగా, ఈ ఘటన అనంతరం నాగాలాండ్‌లో పరిస్థితులు తీవ్రంగా మారాయి. నాగాలాండ్ వ్యాప్తంగా మొబైల్ ఇంటర్నెట్ సేవలతో పాటు బల్క్ మెసేజ్ సేవలను రద్దు చేశారు. అంతే కాకుండా సిట్ దర్యాప్తుకు కూడా ఆదేశించారు. ఈ దర్యాప్తును కోర్టు పర్యవేక్షిస్తుందని, ఈ ఘటనలో భాగస్వామ్యమైన ఆర్మీ జవాన్లపై కూడా విచారణ కొనసాగనున్నట్లు గవర్నర్ జగదీష్ ముఖి తెలిపారు. నాగాలాండ్ ముఖ్యమంత్రి నెయిఫియు రియో ఆదివారం ఉదయం స్పందిస్తూ, ఈ సంఘటను తీవ్రంగా ఖండించారు. అత్యున్నత స్థాయి సిట్‌ను ఏర్పాటు చేశామని, త్వరలోనే న్యాయం జరుగుతుందని బాధితులకు హామీ ఇచ్చారు. అన్ని వర్గాలు శాంతియుతంగా ఉండాలని ఓ ట్వీట్‌లో కోరారు.


ఎన్‌కౌంటర్ అనంతరం.. స్థానికులు భద్రతా బలగాలను చుట్టుముట్టి నిరసనకు దిగారు. అంతే కాకుండా వారి వాహనాలకు నిప్పు పెట్టారు. అయితే ప్రస్తుతం పరిస్థితి అదుపులోనే ఉందని నాగాలాండ్ పోలీస్ విభాగం ఆదివారం వెల్లడించింది.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.