ప్ర‌పంచ‌వ్యాప్తంగా 1.34 కోట్లు దాటిన‌ క‌రోనా కేసులు

న్యూఢిల్లీ: ప్రపంచవ్యాప్తంగా కరోనా కేసులు అంత‌కంత‌కూ పెరిగిపోతున్నాయి.  బుధవారం నాటికి 1.34 కోట్లకు పైగా ప్రజలు కరోనా వైరస్ బారిన పడ్డారు. మరణాల సంఖ్య 5.82 లక్షలు దాటింది. అమెరికాలో ఒక్క‌రోజులో 62,000 మందికి క‌రోనా సోకినట్లు గుర్తించారు. యుఎస్‌లో గత పది రోజులుగా ప్రతిరోజూ 60 వేలకు పైగా కేసులు నమోదవుతున్నాయి. అమెరికాలోని ఫ్లోరిడా, అరిజోనా, టెక్సాస్‌లలోనే కాకుండా, ఓక్లాహోమా, నెవాడా త‌దిత‌ర‌ రాష్ట్రాల్లో కూడా క‌రోనా సోకిన వారి సంఖ్య అంత‌కంత‌కు పెరుగుతోంది. గడ‌చిన‌ 14 రోజుల్లో ఈ రాష్ట్రాల్లో మృతుల‌ సంఖ్య కూడా అధిక‌మ‌వుతోంది. ఇదిలా ఉండ‌గా కెనడా, మెక్సికోల‌లో ఆగస్టు 21 వరకు ఆంక్షలను పొడిగించాయి.