Advertisement
Advertisement
Latest Telugu News
Advertisement
Published: Tue, 24 Aug 2021 13:14:50 IST

ఎక్కువగా తినడం వల్లే పొట్ట వచ్చిందనుకున్న తల్లి.. కానీ ఆ 12 ఏళ్ల కూతురిని ఆస్పత్రికి తీసుకెళ్తే..

twitter-iconwatsapp-iconfb-icon
ఎక్కువగా తినడం వల్లే పొట్ట వచ్చిందనుకున్న తల్లి.. కానీ ఆ 12 ఏళ్ల కూతురిని ఆస్పత్రికి తీసుకెళ్తే..

ఇంటర్నెట్ డెస్క్: కరోనా లాక్‌డౌన్ కారణంగా రెండేళ్లుగా స్కూళ్లు జరగడం లేదు. ఈ క్రమంలో ఇంట్లో ఉన్న ఆ 12 ఏళ్ల బాలిక లావు అవుతోంది. పొట్ట కూడా పెరుగుతోంది. అయితే ఇంట్లోనే ఉండి జున్ను, నెయ్యి ఎక్కువగా తింటుండటంతో అలా కూతురు లావు అవుతోందని ఆ తల్లి అనుకుంది. అయితే కొన్నిరోజుల క్రితం కుమార్తెకు విపరీతమైన కడుపునొప్పి వచ్చింది. దీంతో ఆమెను ఆస్పత్రికి తీసుకెళ్తే షాకింగ్ నిజం బయటపడింది. ఆ 12 ఏళ్ల అమ్మాయి 9 నెలల గర్భవతి అని తేలింది. ఆ బాలికకు వచ్చింది కడుపు నొప్పి కాదు పురిటి నొప్పులని తెలిసింది. డెలివరీ చేయగా ఆ బాలికకు ఒక బాబు పుట్టాడు. ఇదంతా చూసిన ఆ కుటుంబానికి ఏం జరిగిందో అర్థం కాలేదు. అసలేం జరిగిందని ఆ బాలికను అడగ్గా.. తనకు జరిగిన ఘోరాన్ని బయటపెట్టింది. ఈ ఘటన రాజస్థాన్‌లోని జోధ్‌పూర్‌లో వెలుగు చూసింది.


సదరు బాలిక స్థానికంగా ఒక స్కూల్‌లో చదువుకునేది. ఆ సమయంలో ఒక రోజు ఇంటికి వస్తున్న ఆమెను.. అదే బడిలో 9వ తరగతి చదివే ఇద్దరు కుర్రాళ్లు కిడ్నాప్ చేశారు. జీప్‌లో వచ్చిన వాళ్లిద్దరూ ఆమెను తీసుకెళ్లి అత్యాచారానికి పాల్పడ్డారు. ఆ తర్వాత సడెన్‌గా కరోనా రావడం, లాక్‌డౌన్ విధించడంతో ఆమె బయటకు వెళ్లలేదు. ఇంట్లోనే ఉండిపోయింది. అయితే తన శరీరంలో మార్పులు రావడంతో తాను గర్భవతి అయినట్లు ఆమెకు అర్థమైంది. కానీ ఆ మాట ఎవరికి చెప్పాలో తెలియలేదు. స్కూల్ ఉంటే తన స్నేహితురాళ్లకైనా చెప్పేదాన్నని, అది కూడా లేకపోవడంతో ఇంట్లో ఎవరికీ నిజం చెప్పలేకపోయానని ఆ బాలిక ఏడ్చేసింది. ఆ కుటుంబంలో నలుగురు పిల్లలుండగా.. ఈ బాలికే అందరికన్నా చిన్నది. దీంతో ఎవరికి ఈ విషయం చెప్పాలన్నా ఆ బాలికకు భయమేసిందట.


ఆస్పత్రిలో డెలివరీ తర్వాత జీవితం ఏమవుతుందో కూడా తెలియని స్థితిలో ఆ బాలిక ఉంది. తల్లి ఏం చెప్తే అదే చేస్తానని అంటోంది. కుమార్తె ఇంత బాధలో ఉన్నా తాను గుర్తించలేకపోయానని ఆ తల్లి కూడా బాధపడుతోంది. గుడికి రమ్మని పిలిచిన ప్రతిసారీ కుమార్తె ఏదో ఒక వంకతో తప్పించుకునేదని, అలా ఎందుకు జరిగిందో కూడా గుర్తించలేకపోయానని ఆ తల్లి కన్నీరుమున్నీరైంది. తప్పు చేశాననే భావనే తన కుమార్తె మనసును పట్టిపీడిస్తోందని వాపోయింది. ఈ విషయం తెలిసిన బాల సంరక్షణ విభాగం రంగంలోకి దిగింది. బాలికకు ధైర్యం చెప్పింది. ఈ ఘాతుకానికి పాల్పడిన వారిపై కేసు నమోదు చేశారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.