`పుష్ప` ఎఫెక్ట్.. పరీక్షలో పదో తరగతి విద్యార్థి రాసిన సమాధానం ఏంటో తెలిస్తే షాక్!

స్టైలిష్ స్టార్ అల్లు అర్జున్ హీరోగా డైరెక్టర్ సుకుమార్ తెరకెక్కించిన `పుష్ప` సినిమా దేశవ్యాప్తంగా సంచలన విజయం సాధించింది. ముఖ్యంగా బాలీవుడ్‌ ప్రేక్షకులను ఈ సినిమా అమితంగా ఆకట్టుకుంది. ఆ సినిమాలోని పాటలు, డైలాగ్‌లు, బన్నీ మ్యానరిజమ్స్ సోషల్ మీడియాలో తెగ వైరల్ అయ్యాయి. `పుష్ప` సినిమా విడుదలై నెలలు గడుస్తున్నా ఇంకా ఆ మేనియా తగ్గలేదు. తాజాగా ఓ పదో తరగతి విద్యార్థి పరీక్షలో `పుష్ప` డైలాగ్ రాశాడు. 

సరిగ్గా చదవని విద్యార్థులు జవాబు పత్రంలో తమను పాస్ చేయమని కోరుతూ లేఖలు రాస్తుంటారు. లేకపోతే దేవుళ్ల పేర్లను రాస్తుంటారు. అయితే పశ్చిమ బెంగాల్‌కు చెందిన ఓ విద్యార్థి జవాబు పత్రంలో `పుష్ప` స్టైల్‌లో `పుష్ప.. పుష్ప రాజ్.. రాసేదే లే` అని రాశాడు. ఆ జవాబు పత్రాన్ని టీచర్ సోషల్ మీడియాలో షేర్ చేశారు. అది సోషల్ మీడియాలో బాగా వైరల్ అవుతోంది.