మేషం
అశ్విని, భరణి, కృత్తిక 1వ పాదం: అనుకూలతలు అంతంతమాత్రమే. స్థిమితంగా ఉండటానికి యత్నించండి. ఖర్చులు అదుపులో ఉండవు. అవసరాలు వాయిదా వేసుకుంటారు. పనులు అస్తవ్యస్తంగా సాగుతాయి. సోమ,మంగళవారాల్లో ఊహించని సంఘటనలు ఎదురవుతాయి. పెద్దలతో సంప్రదింపులు జరుపుతారు. సోదరులఆంతర్యం అవగతమవుతుంది. ఆప్తుల సాయంతో ఒక సమస్య సానుకూలమవుతుంది. వేడుకకు హాజరవుతారు.
వృషభం
కృత్తిక 2,3,4; రోహిణి, మృగశిర 1,2 పాదాలు: సమర్థతకు గుర్తింపు లభిస్తుంది. అవకాశాలు కలిసివస్తాయి. కొత్త యత్నాలు ప్రారంభిస్తారు. కుటుంబీకుల ప్రోత్సాహం ఉంది. పనుల సానుకూలతకు మరింత శ్రమించాలి. అనవసర జోక్యం తగదు. మీ గౌరవానికి భంగం కలుగకుండా మెలగండి. బుధ, గురువారాల్లో ఫోన్‌ సందేశాలను నమ్మవద్దు. అపరిచితులు తప్పుదారి పట్టేంచేందుకు యత్నిస్తారు. ఉల్లాసంగా గడుపుతారు. ధార్మికత పట్ల ఆసక్తి కలుగుతుంది.
మిథునం
మృగశిర 3,4; ఆర్ద్ర, పునర్వసు 1,2,3 పాదాలు: ఆదాయం బాగున్నా వెలితిగా ఉంటుంది. సంప్రదింపులు వాయిదా పడతాయి. ఆశావహదృక్పథంతో మెలగండి. యత్నాలకు అయినవారి ప్రోత్సాహం ఉంది. పట్టుదలతో శ్రమించిన గాని పనులు కావు. బాధ్యతలు అప్పగించవద్దు. శుక్ర, శనివారాల్లో కొత్త సమస్యలు ఎదురవుతాయి. పత్రాల రెన్యువల్‌లో మెలకువ వహించండి. అవగాహనతో సమస్యలు పరిష్కరించుకోవాలి. ఆహ్వానం అందుకుంటారు.
కర్కాటకం
పునర్వసు 4వ పాదం, పుష్యమి, ఆశ్లేష: సమర్థతకు గుర్తింపు లభిస్తుంది. వ్యతిరేకులు సన్నిహితులవుతారు. పదవులు, సభ్యత్వాల స్వీకరణకు అనుకూలం. వ్యాపకాలు అధికమవుతాయి. ఆచితూచి వ్యవహరించాలి. తొందరపడి హామీలివ్వవద్దు. ఊహించిన ఖర్చులే ఉంటాయి. ఆపన్నులకు సాయం అందిస్తారు. పిల్లల కదలికలపై దృష్టి పెట్టండి. ఆది, సోమవారాల్లో ఊహించని సంఘటనలు ఎదురవుతాయి. ఏ విషయాన్నీ తీవ్రంగా పరిగణించవద్దు.
సింహం
మఖ, పుబ్బ, ఉత్తర 1వ పాదం: పట్టుదలతో అనుకున్నది సాధిస్తారు. మీ కార్యదీక్ష స్ఫూర్తిదాయకమవుతుంది. అందరితో సత్సంబంధాలు నెలకొంటాయి. ఒక సమాచారం ఉల్లాసాన్నిస్తుంది. సకాలంలో పనులు పూర్తి చేస్తారు. మంగళ, బుధవారాల్లో నగదు, ఆభరణాలు జాగ్రత్త. ఇతరులను మీ విషయాలకు దూరంగా ఉం చండి. సందేశాల పట్ల అప్రమత్తంగా ఉం డాలి. ఒత్తిళ్లు, ప్రలోభాలకు లొంగవద్దు. ఇంటి విషయాలపై మరింత శ్రద్థ వహించాలి.
కన్య
ఉత్తర 2,3,4; హస్త, చిత్త 1,2 పాదాలు: ఈ వారం అనుకూలదాయ కం. శుభకార్యాన్ని ఘనంగా చేస్తారు. కొత్త పరిచయాలేర్పడతాయి. మీ జోక్యంతో ఒక సమస్య పరిష్కారమవుతుంది. విలాసాలకు విపరీతంగా వ్యయం చేస్తారు. వాయిదా పడుతున్న పనులు ఎట్టకేలకు పూర్తవుతాయి. కుటుంబీకుల మధ్య కొత్త విషయాలు ప్రస్తావనకు వస్తాయి. మీ అభిప్రాయాలను సున్నితంగా వ్యక్తం చేయండి. పత్రాల రెన్యువల్‌లో అలక్ష్యం తగదు.
తుల
చిత్త 3,4; స్వాతి, విశాఖ 1,2,3 పాదాలు: కార్యక్రమాలు నిర్విఘ్నంగా సాగుతాయి. రావలసిన ధనం అందుతుంది. ఖర్చులు సామాన్యం. శుభకార్యానికి యత్నాలు సాగిస్తారు. ప్రభుత్వ కార్యాలయాల్లో పనులు పూర్తవుతాయి. పత్రాలు అందుకుంటారు. అనునయంగా మెలగండి. ఆరోగ్యం నిలకడగా ఉంటుంది. ఒక వ్యవహారంలో మీ జోక్యం అనివార్యం. పరిచయస్తులకు చక్కని సలహాలిస్తారు. పుణ్యకార్యంలో పాల్గొంటారు.
వృశ్చికం
విశాఖ 4వ పాదం; అనూరాధ, జ్యేష్ఠ: ఆర్థికంగా ఫర్వాలేదనిపిస్తుంది. రుణబాధలు తొలగుతాయి. గురు, శుక్ర వారాల్లో అప్రమత్తంగా ఉండాలి. కొత్త వ్యక్తులను నమ్మవద్దు. పనులు మొక్కుబడిగా పూర్తి చేస్తారు. ఇంటి విషయాలపై శ్రద్థ వహిస్తారు. ఎదురుచూస్తున్న పత్రాలు అందుతాయి. శుభకార్యానికి హాజరవుతారు. బంధువుల ఆతిధ్యం ఆకట్టుకుంటుంది. ఆధ్యాత్మిక చింతన పెంపొందుతుంది, తీర్థయాత్రలకు సన్నాహాలు సాగిస్తారు.
ధనుస్సు
మూల, పూర్వాషాఢ, ఉత్తరాషాఢ 1వ పాదం: కార్యసాధనకు ఓర్పుప్రధానం. అవకాశాలను తక్షణం వినియోగించుకోండి. కొంతమంది వ్యాఖ్యలు నీరుగారుస్తాయి. పట్టుదలతో యత్నాలు సాగించండి. త్వరలో మీ కృషి ఫలిస్తుంది. శనివారం నాడు దుబారా ఖర్చులు విపరీతం. పనులు అస్తవ్యస్తంగా సాగుతాయి. పిల్లల విషయంలో శుభఫలితాలున్నాయి. ఆత్మీయులతో సంభాషిస్తారు. వాస్తుదోష నివారణ చర్యలు చేపడతారు. దూర ప్రయాణం తలపెడతారు.
మకరం
ఉత్తరాషాఢ 2,3,4; శ్రవణం, ధనిష్ట 1,2 పాదాలు: ఇంటి సమస్యలు చికాకుపరుస్తాయి. అంచనాలు ఫలించవు. చిన్న విషయానికే ఆందోళన చెందుతారు. మనోధైర్యం తో మెలగండి. ఖర్చులు అంచనాలను మించుతాయి. బుధ, గురువారాల్లో పనుల్లో అవాంతరాలు ఎదురవుతాయి. విలువైన వస్తువులు జాగ్రత్త. సామరస్యంగా సమస్యలు పరిష్కరించుకోవాలి. సన్నిహితుల కలయిక ఉపశమనం కలిగిస్తుంది. ఆధ్యాత్మిక విషయాలపై దృష్టి పెడతారు.
కుంభం
ధనిష్ట 3,4; శతభిషం, పూర్వాభాద్ర 1,2,3 పాదాలు: పరిస్థితులు అనుకూలిస్తాయి. మానసికంగా కుదుటపడతారు. ఆలోచనలు కార్యరూపం దాల్చుతాయి. ఖర్చులు అధికం, ప్రయోజనకరం. శుక్ర, శనివారాల్లో బాధ్యతలు అప్పగించవద్దు. కొత్తవ్యక్తులతో జాగ్రత్త. ఆంతరంగిక విషయాలు గోప్యంగా ఉంచండి. ఇతరుల విషయాల్లో జోక్యం తగదు. నోటీసులు అందుకుంటారు. అయిన వారితో సంప్రదింపులు జరుపుతారు. అతిగా శ్రమించవద్దు. వేడుకకు హాజరవుతారు.
మీనం
పూర్వాభాద్ర 4వ పాదం, ఉత్తరాభాద్ర, రేవతి: శుభకార్యాన్ని ఆర్భాటంగా చేస్తారు. దూరపు బంధువుల రాక ఉత్సాహాన్నిస్తుంది. ప్రముఖులతో పరిచయాలేర్పడతాయి. వ్యవహారాలను సమర్థంగా నిర్వహిస్తారు. మీ సలహా ఉభయులకూ ఆమోదయోగ్యమవుతుంది. ఖర్చులు అంచనాలను మించు తాయి. పెట్టుబడులకు సమయం కాదు. ఫోన్‌ సందేశాలను నమ్మవద్దు. బ్యాంకు వివరాలు గోప్యంగా ఉంచండి. ఆది, గురువారాల్లో పనులు సాగవు. అనునయంగా మెలగండి.