Lead Story
కల్వకుంట్ల తారక రామారావు... బహుముఖీనమైన వ్యక్తిత్వం ఉన్న రాజకీయ నాయకుడు. కేటీఆర్‌గా అందరికీ తలలో నాలుకలా ఉంటారు. అత్యంత చురుకుదనం, పార్టీలో ఏవైనా ఇబ్బందులు తలెత్తితే వాటిని పరిష్కరించడం, అసాధారణ వ్యక్తిత్వం లాంటి లక్షణాలున్న నాయకుడు. ఈ లక్షణాలే కేబినెట్‌లో కీలక శాఖలు దక్కేలా చేశాయి. 2009లో సిరిసిల్లా నియోజకవర్గం నుంచి ఎమ్మెల్యేగా గెలిచారు.

2014 ఎన్నికల్లో కూడా సిరిసిల్లా అసెంబ్లీ నియోజకవర్గం నుంచి గెలుపొంది అత్యంత ప్రతిష్ఠాత్మకమైన శాఖలుగా పేరుపొందిన ఐటీ, మున్సిపల్, పట్టణాభివృద్ధి వంటివి చేపట్టి అనేక రకాల పథకాలను ప్రవేశపెట్టారు. కేటీఆర్ స్వతహాగా ఐటీ నిపుణులు కావడంతో ఎప్పుడూ ఫేస్‌బుక్, ట్విట్టర్ లాంటి సామాజిక మాధ్యమాల్లో చురుకుగా పాల్గొంటారు. ఈయన చాలా తక్కువ సమయంలోనే తెలంగాణకి ఐటీ పెట్టుబడులను ఆహ్వానించి ప్రజల్లో మన్ననలను పొందారు. అంతేకాకుండా మైక్రోసాఫ్ట్, ఆపిల్, ఊబర్, బోయింగ్, గూగుల్, అమెజాన్, ఒరాకిల్, ఫేస్‌బుక్, ఇన్ఫోసిస్ లాంటి లబ్ధప్రతిష్ఠమైన ఐటీ సంస్థలు తెలంగాణాలో పెట్టుబడులు పెట్టేలా విశేషమైన కృషి చేశారు.
ADVT

ADVT
కేటీఆర్ నేరుగా ఎందులో పెట్టుబడులు పెట్టలేదు. పరోక్షంగా మాత్రం కొన్ని సంస్థల్లో పెట్టుబడులు పెట్టారు.
 
2014 ఎన్నికల సందర్భంగా సమర్పించిన అఫిడవిట్  ప్రకారం ఆస్తులు: 7 కోట్లు. చరాస్తులు రెండు కోట్ల రూపాయలు.