Eye Glass Makeup Tips: కళ్లజోడుతో.. కళ్లు చెదిరేలా...

మేకప్‌

మందగించిన కంటిచూపు కోసం కళ్లజోడు పెట్టుకోక తప్పదు. అలాంటప్పుడు వేసుకునే మేకప్‌ జోడుతో సరిజోడీగా ఉండేలా చూసుకోవాలి.

• ఐలైనర్‌: కనురెప్పల పైనా, దిగువనా ఐలైనర్‌ తప్పనిసరిగా అప్లై చేసుకోవాలి. ఇందుకోసం పైకనురెప్పకు జెల్‌ ఐలైనర్‌ అప్లై చేసి, దిగువన పౌడర్‌ ఐలైనర్‌ ఉపయోగించాలి.

• ప్రైమర్‌: ముక్కుకు ఇరువైపులా ప్రైమర్‌ అప్లై చేసి రూపమివ్వాలి. కళ్లద్దాలు ముక్కు మీదకు జారిపోతూ ఉంటాయి. కాబట్టి ఇలా తరచూ జరగకుండా ఉండడం కోసం, ముక్కు మీద కళ్లజోడు తగిలే ప్రదేశంలో ఐషాడో ప్రైమర్‌ను అద్దుకోవాలి

• మస్కారా: కాలంచెల్లిన మస్కారా ధరిస్తే, పొడిగా జోడు మీద రాలిపడుతూ ఉంటుంది. తాజా మస్కారా ఎంచుకోవాలి. మూత తెరిచిన తర్వాత మస్కారాను మూడు నెలలకు మించి వాడుకోకూడదు. క్రీమీగా ఉండే వాటర్‌ప్రూఫ్‌ మస్కారానే ఉపయోగించాలి. ఇవి జోడుకు అంటుకోవు.

• భూతద్దం: షార్ట్‌ సైట్‌ ఉన్నవాళ్లు జోడు ధరించకుండా మేకప్‌ వేసుకోలేరు. కాబట్టి జోడు లేకుండా మేకప్‌ వేసుకోవాలనుకుంటే, భూతద్దం కొనుక్కోవాలి. ఈ అద్దం దగ్గరుంటే, జోడుతో పని లేకుండా మేకప్‌ వేసుకోవచ్చు

• ఐబ్రో: జోడు ఫ్రేమ్‌ కనుబొమలను కప్పేస్తున్నాయి కదా అని కనుబొమలను నిర్లక్ష్యం చేయకూడదు. వాటిని చక్కగా గ్రూమ్‌ చేసి, బ్రో పెన్సిల్‌తో దిద్దుకోవాలి. ఇలా చేస్తేనే జోడులో నుంచి కనుబొమలు స్పష్టంగా కనిపిస్తాయి.

• బ్రష్‌: కురచ హ్యాండిల్‌ ఉన్న మేకప్‌ బ్రష్‌ ఎంచుకోవాలి. పొడవాటి హ్యాండిల్‌ మేకప్‌ బ్రష్‌లు పరిస్థితిని మరింత క్లిష్టం చేస్తాయి. కురచ బ్రష్షులతో మేకప్‌ను మరింత చక్కగా వేసుకోవచ్చు

• స్ప్రే: కళ్లజోడు ధరించినప్పుడు కళ్ల చుట్టూ ఉండే ప్రదేశంలో తేలికగా చమట పడుతూ ఉంటుంది. కాబట్టి మేకప్‌ చెక్కుచెదరకుండా ఉండడం కోసం సెట్టింగ్‌ స్ర్పే ఉపయోగించాలి.