సృష్టికి ప్రతిసృష్టి చేయగలడు

పేగుబంధంతో బిడ్డలను తీర్చిదిద్దేది తల్లిదండ్రులైతే...

ఏ బంధం లేని ఆ బిడ్డల భవిష్యత్తు తీర్చిదిద్దేది గురువులు

నుదిటి రాతను రాసేది బ్రహ్మైతే...

భవిష్యత్తు రాతను రాసేది గురువు

ప్రకృతి సంపద సృష్టికర్త భగవంతుడైతే...

ఆ ప్రకృతిలోని జ్ఞాన సంపద సృష్టికర్త గురువు

దేశాభివృద్ధిలో కీలకమైనది యువశక్తైతే...

ఆ యువశక్తిని శక్తివంతం చేసేది గురువు

పురోభివృద్ధికి అవసరమైనది జ్ఞానం అనుభవమైతే...

ఆ జ్ఞానాన్ని అనుభవాన్ని ప్రసరింపజేసేది గురువు

సామరస్య సమ్మిళిత సమాజ నిర్మాణానికి కావలసింది ఐక్యతా భావమైతే...

ఆ ఐక్యతా భావాన్ని పెంపొందించేది గురువు

దేశ పురోభివృద్ధికి అవసరమైనది భవిష్యత్తరమైతే...

ఆ భవిష్యత్తరాన్ని ప్రభావితం చేయగల జ్ఞాన శక్తి గురువు

సృజనాత్మకత, సాంకేతికత, పారిశ్రామిక విప్లవాలను తీసుకొచ్చేది విద్యాధికులైతే...

ఆ విద్యాధికులకు స్ఫూర్తి ప్రదాత, మార్గదర్శకుడు గురువు

నాయకులు, సైనికులు, ఆవిష్కర్తలు, బాధ్యత గల పౌరులు దేశానికి వెన్నుముకైతే...

ఆ వెన్నుముక నిర్మాణంలో మూల స్తంభమైన గురువుకు వందనం... పాదాభివందనం

ననుబోలు రాజశేఖర్