అంధుల కోసం ‘స్పెషల్‌ కేర్‌ గోల్డ్‌’ పాలసీ

స్టార్‌ హెల్త్‌ ఇన్సూరెన్స్‌

హైదరాబాద్‌ (ఆంధ్రజ్యోతి బిజినెస్‌): స్టార్‌ హెల్త్‌ ఇన్సూరెన్స్‌ ‘స్పెషల్‌ కేర్‌ గోల్డ్‌’ పేరుతో అంధుల కోసం ప్రత్యేక ఆరోగ్య బీమా పాలసీ తీసుకొచ్చింది. అంధులు సైతం పాలసీ వివరాలు చదువుకుని నిర్ణయాలు తీసుకునేందుకు వీలుగా ఈ పాలసీ వివరాలను స్టార్‌ హెల్త్‌ ఇన్సూరెన్స్‌ బ్రెయిలీ లిపిలో అందిస్తోంది. ఒక బీమా కంపెనీ అంధుల కోసం బ్రెయిలీ లిపిలో బీమా పాలసీ తీసుకు రావడం దేశంలో ఇదే మొదటిసారి. నలభై శాతం లేదా అంతకంటే ఎక్కువ అంధత్వం ఉన్న వ్యక్తులు ఈ సమగ్ర ఆరోగ్య బీమా పాలసీ తీసుకోవచ్చు. దేశంలో ఉన్న దాదాపు మూడున్నర కోట్ల మంది అంధుల ఆరోగ్య అవసరాలను దృష్టిలో ఉంచుకుని ఈ పాలసీ రూపొందించినట్టు స్టార్‌ హెల్త్‌ ఇన్సూరెన్స్‌ తెలిపింది,