హైదరాబాద్‌ రియల్టీ అదుర్స్‌

జూలైలో 7,124 రిజిస్ట్రేషన్లు

గత ఏడాదితో పోలిస్తే 48 శాతం అప్‌

నైట్‌ ఫ్రాంక్‌ ఇండియా

హైదరాబాద్‌ (ఆంధ్రజ్యోతి బిజినెస్‌): హైదరాబాద్‌ రెసిడెన్షియల్‌ మార్కెట్లో జోరు కొనసాగుతోంది. గత నెల (జూలై) లో జీహెచ్‌ఎంసీ పరిధిలో రూ.4,266 కోట్ల విలువైన 7,124 ఇళ్లు, ఫ్లాట్ల రిజిస్ట్రేషన్లు జరిగాయి. గత ఏడాది ఇదే కాలంతో పోలిస్తే రిజిస్ట్రేషన్లు విలువపరంగా 48ు, యూనిట్లపరంగా 28% పెరిగినట్టు రియల్‌ ఎస్టేట్‌ కన్సల్టెన్సీ సంస్థ నైట్‌ ఫ్రాంక్‌ ఇండియా నివేదిక తెలిపింది. ఇక ఈ ఏడాది జనవరి నుంచి చూస్తే గత ఏడు నెలల్లో జీహెచ్‌ఎంసీ పరిధిలో 46,368 యూనిట్ల ఇళ్లు, ఫ్లాట్ల రిజిస్ట్రేషన్లు జరిగాయి. గత ఏడాది ఇదే కాలంతో పోలిస్తే ఇది 17% ఎక్కువ. ఈ రిజిస్ట్రేషన్లతో రాష్ట్ర ప్రభుత్వానికి స్టాంప్‌ డ్యూటీ ద్వారా సమకూరే ఆదాయం 40ు పెరిగి రూ.28,578 కోట్లకు చేరింది.

రూ.50 లక్షల్లోపు రిజిస్ట్రేషన్లే ఎక్కువ: ప్రస్తుతం జీహెచ్‌ఎంసీ పరిధిలో అమ్ముడయ్యే ఇళ్లలో రూ.50 లక్షలు అంతకంటే తక్కువ ధర ఉండే ఇళ్లే ఎక్కువ. గత ఏడాది ఈ తరహా ఇళ్ల వాటా 61ు ఉంటే, ఈ ఏడాది జూలైలో ఇది 69 శాతానికి చేరిందని తెలిపింది. ఇదే సమయంలో రూ.కోటి అంతకంటే ఎక్కువ విలువైన ఇళ్ల రిజిస్ట్రేషన్లు 9 నుంచి 13 శాతానికి చేరాయి. విలువపరంగా చూస్తే గత ఏడాదితో పోలిస్తే ఈ ఏడాది జూలైలో రూ.కోటి అంతకంటే ఎక్కువ విలువైన ఇళ్ల అమ్మకాలు 94ు పెరిగాయి.