RTC buses ఆర్టీసీ బస్సుల్లో రూ.10 నాణెం స్వీకరించాల్సిందే
ABN , Publish Date - Sep 12 , 2024 | 02:29 AM
ఆర్టీసీ బస్సుల్లో ప్రయాణికుల నుంచి 10రూపాయల నాణేలను స్వీకరించాల్సిందేనని ఉన్నతాధికారులు ఉత్తర్వులు జారీచేశారు.
తిరుపతి(ఆర్టీసీ), సెప్టెంబరు 11: ఆర్టీసీ బస్సుల్లో ప్రయాణికుల నుంచి 10రూపాయల నాణేలను స్వీకరించాల్సిందేనని ఉన్నతాధికారులు ఉత్తర్వులు జారీచేశారు. ఈ మధ్య కాలంలో పదిరూపాయల నాణేలను చలామణి కావడం లేదంటూ కొందరు కండక్టర్లు తీసుకోవడానికి నిరాకరిస్తున్నారని ప్రయాణికుల నుంచి ఆర్టీసీ యాజమాన్యానికి ఫిర్యాదులందాయి. ఈ నేపథ్యంలో ఆర్బీఐ విడుదల చేసిన 14రకాల రూ. 10నాణేలను ప్రయాణికులు ఇచ్చినప్పుడు స్వీకరించాలని ఆపరేషన్‌ ఈడీ ఆదేశాలు జారీచేశారు.ఆయా డిపోల మేనేజర్లు తమ పరిధిలోని డ్రైవర్లు, కండక్టర్లకు బుధవారం ఆదేశాలిచ్చారు. అలాగే బస్టాండుల్లో ఉన్న దుకాణాలకు కూడా ఈ ఆదేశాలు వర్తిస్తాయని తెలియజేశారు.
