mother missing: మా అమ్మ కనిపించడం లేదు.. వెతికి పెట్టండి
ABN , First Publish Date - 2023-02-02T11:15:01+05:30 IST
మా అమ్మ కనిపించడం లేదు....వెతికి పెట్టండంటూ పిల్లలు జూబ్లీహిల్స్‌ పోలీసులను
హైదరాబాద్/బంజారాహిల్స్‌: మా అమ్మ కనిపించడం లేదు....వెతికి పెట్టండంటూ పిల్లలు జూబ్లీహిల్స్‌ పోలీసులను ఆశ్రయించారు. ఆలస్యంగా వెలుగులోకి వచ్చిన ఈ ఘటన వివరాలు ఇలా ఉన్నాయి. జవహర్‌నగర్‌కు చెందిన డ్రైవర్‌ సురేష్‌, శ్రావణి భార్యాభర్తలు. వారికి పదో తరగతి చదువుతున్న హర్ష, 9వ తరగతి చదువుతున్న శరణ్య పిల్లలు. ఇదిలా ఉండగా జనవరి 17న శ్రావణి కనిపించకుండాపోయింది. పిల్లలు తండ్రిని ప్రశ్నించగా స్పందించలేదు. దీంతో రెండు రోజుల తరువాత హర్ష, శరణ్యలు జూబ్లీహిల్స్‌ పోలీసుస్టేషన్‌కు వచ్చారు. తమ తల్లి కనిపించడం లేదంటూ ఫిర్యాదు చేశారు. పోలీసులు సురే్‌షకు ఫోన్‌ చేయగా స్పందించలేదు. విచారణ జరుపుతున్నట్టు పోలీసులు తెలిపారు.
