Viral Video: నిప్పుతో చలగాటం ఆడితే ఇలాగే ఉంటుంది.. ఇతను చేసిన స్టంట్ కాస్తా ఎలా అయ్యిందో చూడండి..

సాహసం చెయ్యరా డింబకా అంటాడు పాతాళభైరవిలో యస్వి.రంగారావు. ఆ మాట మాత్రం బాగా ఫేమస్ అయిపోయింది. అన్ని తరాలు దీన్ని ఫాలో అవుతున్నాయి. ఆ సాహసంలో భాగంగా నిప్పుతో చెలగాటమాడి దారుణమైన అనుభవం చవిచూసాడొక వ్యక్తి. దీనికి సంబంధించి వివరాల్లోకి వెళితే..

నోట్లో కిరోసిన్ పోసుకుని చేతిలో వెలుగుతున్న కర్రను పట్టుకుని మంటలు పైకి ఊదుతూ.. వీధుల్లోనూ, జాతరల్లోనూ స్టంట్ లు చేస్తుంటారు కొందరు. ఓ వ్యక్తి అలా స్టంట్ చెయ్యబోతే పైకి ఎగజిమ్మిన మంటలు కాస్తా అతని గడ్డానికి ఆ తరువాత ముఖానికి వ్యాపించాయి. మంటలు అలా ముఖాన్ని చుట్టుముట్టగానే అతని దగ్గర్లో ఉన్న ఓ వ్యక్తి పరుగు పరుగున వచ్చి అతనికి సహాయం చేసాడు. ఇది పాత వీడియో అయినా ట్విట్టర్ లో వైరల్ అవుతూనే ఉంది. ఈ వీడియో చూసిన వ్యక్తులు 'అతడి అదృష్టం బాగుంది. అందుకే ఆ మంటల నుండి తొందరగానే బయటపడ్డాడు. ఈ సారి ఇలాంటి ప్రయోగాలు ఏమైనా చెయ్యాలని అనుకుంటే జాగ్గత్తగా ఉండటం మంచిది' అంటున్నారు. ఏదిఏమైనా నిప్పుతో చెలగాటం ఆడకూడదని పెద్దలు ఇలాంటి వాళ్ళను చూసే చెప్పారు కాబోలు.