వేసవి (summer)లోనే కొబ్బరి నీళ్లు (coconut water) తాగుతూ ఉంటాం. కానీ నిండు ఆరోగ్యం సొంతమవ్వాలంటే కాలంతో పని లేకుండా కొబ్బరి నీళ్లు తాగుతూ ఉండాలి.

బరువు తగ్గిస్తాయి: కొబ్బరి నీళ్లలో కొవ్వు ఉండదు. కాబట్టి తాగగలిగినన్ని కొబ్బరి నీళ్లు వీలైనన్ని ఎక్కువ సార్లు తాగవచ్చు. కొబ్బరి నీళ్లతో ఆకలి తీరుతుంది. ఫుడ్‌ క్రేవింగ్‌ తగ్గుతుంది. దాంతో బరువు తగ్గుతారు.

మధుమేహం దూరం: కొబ్బరి నీళ్లలో చక్కెరలు తక్కువ. మధుమేహం (diabetes) ముప్పు నుంచి కూడా కొబ్బరి నీరు రక్షణ కల్పిస్తుంది.

జీర్ణశక్తి పెంచుతాయి: మంచి నీళ్ల కంటే కొబ్బరి నీళ్లు హైడ్రేటింగ్‌ గుణాలను ఎక్కువగా కలిగి ఉంటాయి. కాబట్టి కొబ్బరినీళ్లతో అజీర్తి తొలగి, జీర్ణశక్తి మెరుగు పడుతుంది. తినే పదార్థాల్లోని పోషకాలను శరీరం మెరుగ్గా శోషించుకోగలుగుతుంది.

వైరస్‌లతో పోరాడుతుంది: కొబ్బరి నీళ్లు యాంటీ వైరల్‌ (Anti viral), యాంటీ ఫంగల్‌ (Antifungal) సుగుణాలను కలిగి ఉంటాయి. కాబట్టి సంబంధిత రుగ్మతలు దరి చేరకుండా ఉంటాయి.

మెటబాలిజం మెరుగు: కొబ్బరినీళ్లలో సోడియం (Sodium) తక్కువ, పొటాషియం (Potassium) ఎక్కువ. ఇవి శక్తినివ్వడమే కాకుండా మెటబాలిజంను పెంచుతాయి. కాబట్టి ఎనర్జీ డ్రింక్‌ (Energy drink)లకు బదులుగా కొబ్బరినీళ్లు తాగుతూ ఉండాలి.