‘సర్దుబాటు’తో ప్రాథమిక విద్యకు దెబ్బ: ఆప్తా
ABN , First Publish Date - 2023-01-26T04:27:45+05:30 IST
ఉపాధ్యాయుల పని సర్దుబాటు కారణంగా ప్రాథమిక విద్య దెబ్బతినే పరిస్థితి ఏర్పడిందని ప్రాథమిక ఉపాధ్యాయుల సంఘం(ఆప్తా) ఆందోళన వ్యక్తంచేసింది.
ఉపాధ్యాయుల పని సర్దుబాటు కారణంగా ప్రాథమిక విద్య దెబ్బతినే పరిస్థితి ఏర్పడిందని ప్రాథమిక ఉపాధ్యాయుల సంఘం(ఆప్తా) ఆందోళన వ్యక్తంచేసింది. సర్దుబాటు వల్ల ప్రాథమిక విద్యకు నష్టం లేకుండా చేయాలని కోరుతూ ఆ సంఘం అధ్యక్ష, ప్రధాన కార్యదర్శులు ఏజీఎస్‌ గణపతిరావు, కె.ప్రకాశరావు బుధవారం విద్యాశాఖ మంత్రి, పాఠశాల విద్య ముఖ్య కార్యదర్శి, కమిషనర్‌లకు లేఖలు రాశారు. కొన్నిచోట్ల ప్రాథమిక పాఠశాలల్లోని టీచర్లంతా సర్దుబాటులో వేరే పాఠశాలలకు వెళ్లాలని ఆదేశాలు వచ్చాయని, దీంతో ఆ పాఠశాలల్లో బోధన కుంటుపడే ప్రమాదం ఉందన్నారు.
