గోవిందా.. గోవిందా
ABN , First Publish Date - 2022-09-11T06:15:23+05:30 IST
వడ్డీకాసులవాడ వెంకటరమణ గోవింద గోవిందా... భక్తుల నామస్మరణల మధ్య జెండా జాతర ఘనంగా సాగింది.
ఘనంగా జెండా జాతర
జెండాను దర్శించిన భక్తజనం
నిజామాబాద్కల్చరల్, సెప్టెంబరు 10: వడ్డీకాసులవాడ వెంకటరమణ గోవింద గోవిందా... భక్తుల నామస్మరణల మధ్య జెండా జాతర ఘనంగా సాగింది. 15 రోజుల పాటు వివిధ ప్రాంతాల నుంచి వచ్చిన భక్తు లు జెండాను దర్శించుకుని ప్రత్యేక పూజలు చేశారు. శనివారం జాతరను పురస్కరించుకుని వేదపండితుల వేదమంత్రోచ్ఛరణలతో వంశపారపర్యంగా వ స్తున్న శ్రీదేవి భూదేవి సమేత శ్రీనివాసుడి ఉత్సవ వి గ్రహాలను అర్చకులు అజయ్ సంగ్వాయ్, సంజుసంగ్వాయ్, విజయ్సంగ్వాయ్లు పూజలు చేసి ఊరే గింపుగా ఆలయం వెలుపలికి తీసుకువచ్చారు. ఉత్సవ విగ్రహాలు వెలుపలికి వచ్చిన తర్వాత జెండాను ప్రహరీపై నుంచి తీసుకువచ్చి సమీపంలోని సర్నపల్లి గడి వద్ద జెండాను ఉంచి ప్రత్యేక పూజలు చేశారు. భక్తుల గోవింద నామ స్మరణలు, మేళతాలాలతో ఉత్సవ విగ్రహాలను పూలాంగ్ వరకు ఊరేగించారు. అర్చకులు పూలాంగ్ వద్ద జెండాకు, ఉత్సవ విగ్రహాలకు పూజలు చేశారు. ఐదు రోజుల పాటు పూలాంగ్ వద్ద పూజలు కొనసాగుతాయని భక్తులు దర్శించుకోవచ్చని అన్నారు.