సంస్కృతీ సంప్రదాయాలకు చిహ్నం బతుకమ్మ

నారాయణరావుపేట, అక్టోబరు 4: తెలంగాణ సంస్కృతీ సంప్రదాయాలకు చిహ్నమే బతుకమ్మ పండుగ అని ఎంపీపీ ఒగ్గు బాలకృష్ణ అన్నారు. మంగళవారం నారాయణరావుపేట మండల కేంద్రంలో బతుకమ్మతల్లి విగ్రహాన్ని ఆవిష్కరించారు. ఈ సందర్భంగా ఎంపీపీ మాట్లాడుతూ తెలంగాణ పల్లెల్లో ప్రజలు తీరొక్క పూలతో బతుకమ్మను పూజించడం ఆనవాయితీగా వస్తున్నదన్నారు. నారాయణరావుపేట మండల కేంద్రంతో పాటు లక్ష్మిదేవిపల్లి, కోదండరావుపల్లి గ్రామాల్లో సద్దుల బతుకమ్మ జరుపుకున్నారు. అనంతరం మూడు గ్రామాలకు ప్రధాన చెరువు అయిన పెద్దచెరువులో బతుకమ్మలను నిమజ్జనం చేశారు. 

ఘనంగా సద్దుల బతుకమ్మ

సిద్దిపేట అర్బన్‌, అక్టోబరు 4: సిద్దిపేట అర్బన్‌ మండలం ఎన్సాన్‌పల్లిలో కొన్నేళ్ల నుంచి పదోరోజు బతుకమ్మ సంబరాలను జరుపుకుంటున్నారు. అందులో భాగంగానే మంగళవారం గ్రామంలో సద్దుల బతుకమ్మను ఘనంగా నిర్వహించారు. బతుకమ్మ ఆడేవారికి ఇబ్బందులు లేకుండా సర్పంచ్‌ రవీందర్‌గౌడ్‌ తగు ఏర్పాట్లు చేశారు.