TS News: అక్టోబర్‌ 7 నుంచి ప్రారంభంకానున్న వివో ప్రో కబడ్డీ లీగ్‌ సీజన్‌ 9
ABN , First Publish Date - 2022-10-02T00:28:30+05:30 IST
Hyderabad: ప్రో కబడ్డీ లీగ్‌ (పీకెఎల్‌) సీజన్‌ - 9 బెంగళూరులో అక్టోబర్‌ 7వ తేదీ నుంచి ప్రారంభం కానుంది. ఈ సందర్భంగా గ్రీన్‌కో గ్రూప్‌ కో–ఫౌండర్‌, చైర్మన్‌ శ్రీనివాస్‌ శ్రీరామనేని, ఎన్‌ఈడీ గ్రూప్‌కు చెందిన మహేష్‌ కొల్లి, గౌ
Hyderabad: ప్రో కబడ్డీ లీగ్‌ (పీకెఎల్‌) సీజన్‌ - 9 బెంగళూరులో అక్టోబర్‌ 7వ తేదీ నుంచి ప్రారంభం కానుంది. ఈ సందర్భంగా గ్రీన్‌కో గ్రూప్‌ కో–ఫౌండర్‌, చైర్మన్‌ శ్రీనివాస్‌ శ్రీరామనేని, ఎన్‌ఈడీ గ్రూప్‌కు చెందిన మహేష్‌ కొల్లి, గౌతమ్‌ రెడ్డి తెలుగు టైటాన్స్‌ సీజన్‌ 9 కొత్త జట్టు సభ్యులను పరిచయం చేశారు.
తెలుగు టైటాన్స్‌ టీమ్‌ యజమాని శ్రీనివాస్‌ శ్రీరామనేని మాట్లాడుతూ ‘‘గత సీజన్‌ నుంచి నేర్చుకున్న పాఠాలతో ఈ సీజన్‌ను విజయవంతంగా మలుచుకోలుచుకోవాలనుకుంటున్నాం. మా కొత్త స్క్వాడ్‌‌కి పూర్తి శిక్షణను మా కోచింగ్‌ సిబ్బంది అందించారు. రాబోయే సీజన్‌లో అభిమానులకు గర్వకారణంగా మా టీమ్‌ నిలవాలని ఆకాంక్షిస్తున్నాం.’’ అని పేర్కొన్నారు.
తెలుగు టైటాన్స్‌ టీమ్‌ యజమాని నేదురుమల్లి గౌతమ్‌ రెడ్డి మాట్లాడుతూ ‘‘సీజన్‌ 9 వివో ప్రో కబడ్డీ లీగ్‌ ప్రారంభిస్తుండటం పట్ల సంతోషంగా ఉన్నాం. మా టీమ్‌ను గత సీజన్‌తో పోలిస్తే సమూలంగా మార్చాం. ఇప్పుడు మా టీమ్‌లో అనుభవజ్ఞులైన ఆటగాళ్లతో పాటు నూతన యువ ఆటగాళ్లు కూడా ఉన్నారు. వెంకటేష్‌ గౌడ్‌, మన్జీత్‌ల కాంబినేషన్‌ టీమ్‌కు కప్‌ను తేగలదని విశ్వసిస్తున్నాం. ఈ సంవత్సరం కప్‌ గెలవాలన్న ఏకైక లక్ష్యంతో మా టీమ్‌ పోటీపడుతుంది’’ అని చెప్పారు. మ్యాచ్‌లు స్టార్‌ స్పోర్ట్స్‌ నెట్‌వర్క్‌లో ప్రత్యక్ష ప్రసారం కావడంతో పాటుగా డిస్నీ+హాట్‌స్టార్‌లో కూడా చూడవచ్చని తెలిపారు.
తెలుగు టైటాన్స్‌ కోచ్‌ వెంకటేష్‌ గౌడ్‌ మాట్లాడుతూ ‘‘పర్వేష్‌ భైంశ్వాల్‌, విశాల్‌ భరద్వాజ్‌, సూర్జీత్‌ సింగ్‌, రవీందర్‌ పహల్‌ టీమ్‌లో ఉన్నారు. వీరు మా ఆటగాళ్లలో అత్యంత కీలక ఆటగాళ్లు’’ అని తెలిపారు.
టీమ్‌ సభ్యులు వీరే..
రవీందర్‌ పహల్‌ (కెప్టెన్‌), సిద్దార్ధ్‌ దేశాయ్‌, అంకిత్‌ బెనివాల్‌, మోను గోయత్‌, రజ్నీష్‌, అభిషేక్‌ సింగ్‌, వినయ్‌, సుర్జీత్‌ సింగ్‌, విశాల్‌ భరద్వాజ్‌, పర్వేష్‌ భైంశ్వాల్‌, విజయ్‌ కుమార్‌, ఆదర్శ్‌ , ప్రిన్స్‌, నితిన్‌, రవీందర్‌, మోహిత్‌, హనుమంతు, ముహమ్మద్‌ షిహాస్‌, పళ్ల రామకృష్ణ, మోహసేన్‌ మగసౌద్లూ, హమీద్‌ నాడర్‌, అంకిత్‌, మోహిత్‌ పహల్‌ మరియు రిజర్వ్‌ ప్లేయర్‌గా సుమిత్‌.
